ميللياردەردىڭ بۇرىنعى ايەلى قاماۋ كامەراسىندا جان تاپسىردى
رەسەيلىك ميللياردەر الەكساندر گاليسكيدىڭ بۇرىنعى ايەلى اليا ۋاقىتشا ۇستاۋ يزولياتورىنىڭ كامەراسىندا وز-وزىنە قول سالدى. بۇل تۋرالى Infohub.kz اقپارات اگەنتتىگى حابارلايدى.
بۇعان دەيىن اليا گاليسكاياعا كۇدىك تۋىنداعان. ول بۇرىنعى كۇيەۋىنەن اقشا بوپسالادى دەگەن كۇدىكپەن ۇستالعان. بۇل تۋرالى Baza Telegram ارناسىنا سىلتەمە جاساعان Tengrinews.kz حابارلادى.
مالىمەتتەرگە سايكەس، ميللياردەردىڭ بۇرىنعى ايەلى ماسكەۋ وبلىسىندا ۇستالعان. تەرگەۋ نۇسقاسىنا سايكەس، اليا گاليسكايا كەزدەسۋلەردە جانە تەلەفون ارقىلى بۇرىنعى كۇيەۋىنەن 150 ميلليون دوللار (72 ميلليارد تەڭگەدەن استام) بەرۋدى تالاپ ەتىپ، كومپروماتتى جاريالاۋمەن قورقىتقان.
«بۇعان دەيىن اليا بيزنەسمەننىڭ ينۆەستيسيالىق شوتتارىن قوسا العاندا، ورتاق م ۇلىكتى ءبولۋ تۋرالى تالاپ ارىز بەرگەن. وسى ءىس بويىنشا گاليسكيدىڭ 435 ميلليون رۋبلگە (2،7 ميلليارد تەڭگەدەن استام) مۇلكى، اتاپ ايتقاندا، پاتريارشي پرۋدىنداعى پاتەر، ەكى اۆتوتۇراق ورنى، قالا سىرتىنداعى ءۇي جانە «تۋرگەنەۆ» كلۋبىنداعى پاتەرلەر تاركىلەندى»، - دەپ جازادى Telegram ارناسى.
سوت گاليسكايانى الداعى ەكى ايعا قاماۋعا الۋ تۋرالى شەشىم شىعاردى، ءبىراق ول تەرگەۋ يزولياتورىنا جەتكەن جوق: «بازانىڭ» مالىمەتىنشە، كۇدىكتى ۋاقىتشا ۇستاۋ يزولياتورىندا وز-وزىنە قول سالعان.
الەكساندر گاليسكي - شىعىس ەۋروپا مەن باتىستاعى ەڭ تانىمال جانە ىقپالدى ۆەنچۋرلىق ينۆەستورلاردىڭ ءبىرى. ونى ءجيى جوعارى تەحنولوگيالار يندۋسترياسىنىڭ «ساۋلەتشىسى» دەپ اتايدى. ونىڭ قورلارىنىڭ باسقارۋىندا جۇزدەگەن ميلليون دوللار بار.