الەۋمەتتىك جەلىلەردە 27 جاستان اسقان، اسكەردە قىزمەت ەتپەگەن ازاماتتاردى اسكەري قايتا دايارلاۋعا جىبەرەتىنى تۋرالى اقپارات پايدا بولدى. الايدا، قورعانىس مينيسترلىگى بۇل مالىمەتتىڭ «ماتىنىنەن ءۇزىلىپ الىنىپ، دۇرىس تۇسىنىلمەگەنىن» حابارلادى.
بۇل تۋرالى Infohub.kz اقپارات اگەنتتىگى حابارلايدى.
قورعانىس مينيسترلىگىنىڭ ءباسپاسوز قىزمەتىنىڭ مالىمەتىنشە، استانا قالاسىنىڭ قورعانىس ىستەرى جونىندەگى دەپارتامەنتى وكىلى، پولكوۆنيك عاني ارىقوۆتىڭ ءسوزى – زاپاستاعى اسكەري مىندەتتى ازاماتتار اراسىندا اسكەري جيىنداردى وتكىزۋدى رەتتەيتىن «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭنىڭ قولدانىستاعى نورمالارىنا قاتىستى بولعان.
زاڭناماداعى رەتتەۋ
زاڭنىڭ 33-بابىنا سايكەس، اسكەري جيىندارعا زاپاستاعى اسكەري مىندەتتى ازاماتتار شاقىرىلادى. بۇل جيىندار اسكەري جانە جۇمىلدىرۋ دايارلىعىن قولداۋ ماقساتىندا جىل سايىن جوسپارلى تۇردە وتكىزىلەدى.
الايدا، مەرزىمدى اسكەري قىزمەتتى وتەمەگەن جانە زاڭدى نەگىزدەردە 27 جاسقا تولعان ازاماتتار اسكەري قايتا دايارلاۋعا اۆتوماتتى تۇردە جىبەرىلمەيدى.
قوسىمشا مۇمكىندىكتەر
سونىمەن قاتار، ازاماتتار قورعانىس مينيسترلىگىنىڭ اسكەري-تەحنيكالىق مەكتەپتەرىندە اقىلى نەگىزدە ەرىكتى تۇردە دايارلىقتان وتە الادى. مينيسترلىكتىڭ ءباسپاسوز قىزمەتى تۇسىندىرگەندەي، مۇنداي وقۋ 40 كۇنگە سوزىلادى جانە ونى اياقتاعان سوڭ اسكەري ەسەپتىك ماماندىق بەرىلەدى.