اقش-تىڭ بۇرىنعى رەسپۋبليكالىق پارتيادان سايلانعان سەنات كوپشىلىك كوشباسشىسى ميچ ماككوننەلل دۇيسەنبىدە كاپيتوليگە ورالىپ، ايلارعا سوزىلعان ۇزىلىستەن كەيىن العاشقى داۋىسىن بەردى. بۇل ءۇزىلىس ونىڭ دەنساۋلىعى تۋرالى ءتۇرلى بولجامدارعا جول اشقان ەدى، دەپ حابارلايدى infohub.kz سايتى.
84 جاستاعى سەناتور ماۋسىم ايىنىڭ ورتاسىنان بەرى سەناتقا كەلمەگەن. ونىڭ كەڭسەسىنىڭ مالىمدەۋىنشە، ول قۇلاپ، اۋرۋحاناعا تۇسكەن. وتكەن ايدا ول وڭالتۋ ورتالىعىنان شىققان.
«بۇگىن مەن ماۋسىمدا قاتتى قۇلاعاننان كەيىنگى العاشقى سەنات داۋىسىمدى بەرەمىن. سەنات مىنبەرىنە قايتا ورالىپ، ارىپتەستەرىمدى كورۋگە اسىعامىن»، — دەدى ماككوننەلل ءوز مالىمدەمەسىندە.
«مەنىڭ قالپىما كەلۋىم ۇزاق ءارى ءجيى كوڭىل قۇلازىتار پروسەسس بولدى، بالالىق شاعىمداعى پوليوميەليتتىڭ سالدارى دا جەڭىلدەتپەدى. ءالى تولىق 100 پايىز قالپىما كەلگەن جوقپىن، ءبىراق كوشباسشى تيۋنگە دارىگەرلەرىمنىڭ كەڭەسىمەن فيزيوتەراپيانى جالعاستىرا وتىرىپ، كونفەرەنسيامىز ماعان مۇقتاج بولعان كەزدە ماڭىزدى داۋىستارعا قاتىسۋعا بارىمدى سالاتىنىمدى ايتتىم»، — دەپ قوستى ول.
«ەلەين ەكەۋمىز كەنتۋككي تۇرعىندارىنىڭ ۇزدىكسىز تىلەكتەرى ءۇشىن قاتتى ريزامىز. وسى ايدا ولاردىڭ اتىنان ادەتتەگى جۇمىسقا قايتا كىرىسۋگە قۋانىشتىمىن»، — دەدى سەناتور.