قازاقستاندا Disney كومپانياسىنىڭ «موانا» ءفيلمىنىڭ كورسەتىلىمى باستالدى. قازاقستاندىق ارتىستەردىڭ قايسىسى اندەردى قازاق جانە ورىس تىلدەرىندە ورىنداعانى بەلگىلى بولدى، دەپ حابارلايدى infohub.kz سايتى.
21 جاستاعى قازاقستاندىق ءانشى سانات اسۋات الەمدىك پروكاتتاعى ورىس تىلىندەگى نۇسقادا باستى كەيىپكەردىڭ داۋىسى بولدى. ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى ءارى «گولوس ازەربايدجانا» جوباسىنىڭ ءفيناليسى ءۇشىن بۇل — دۋبلياجداعى العاشقى تاجىريبە جانە كوپتەن كۇتكەن ارمانىنىڭ ورىندالۋى.
«مەنى بۇرىننان بىلەتىندەر بۇل وقيعانىڭ مەن ءۇشىن قانشالىقتى ماڭىزدى ەكەنىن تۇسىنەتىن شىعار. مەن Disneyء-دىڭ بارلىق جوبالارىن شىن جۇرەكتەن جاقسى كورەمىن، ەندى مەنىڭ دە وسى سيقىرلى الەمنىڭ ءبىر بولىگى بولعان كەزىم كەلدى. ارماندار ورىندالاتىنى قانداي جاقسى!» — دەپ جازدى سانات Instagram-دا.
ءانشى موانا كەيىپكەرىنىڭ وزىنە وتە جاقىن ەكەنىن اتاپ ءوتتى. «موانا — باتىل، ەركىن، ءارقاشان ءوز جولىمەن، ارمانى مەن ماقساتىنا قاراي جۇرۋگە دايىن، بۇل قازاق قىزىنىڭ تاريحي بەينەسىنە ۇقساس. وسى تۇستا ءبىز وتە ۇقساسپىز. سونداي-اق فيلمدە ماعان اتا-بابالارمەن جانە ءوز رۋىمەن بايلانىس تاقىرىبى جاقىن. مەن بۇل بايلانىستى تەرەڭ سەزىنەمىن جانە ول مەن ءۇشىن ۇلكەن مانگە يە»، — دەدى سانات اسۋات.
ءانشى ينديرا ەدىلباەۆا دا ءوز تاجىريبەسىمەن ءبولىستى. ول Instagram-دا جازبا جاريالاپ، فيلم پرەمەراسىنان فوتو كورسەتتى. «اقىرى مىنا جاڭالىقتى سىزدەرمەن بولىسە الامىن! بۇگىن „موانا“ ءفيلمىنىڭ پرەمەراسى ءوتتى، وندا ءبىز ناzيما جانە تاير ساحيەۆپەن (Jaman T) بىرگە „ۆسە ۆپەرەدي“ جانە „ءبارى الدا“ فينالدىق ساۋندترەگىن ورىندادىق»، — دەدى ينديرا. ول سونداي-اق وسىنداي اۋقىمدى جوبانىڭ ءبىر بولىگى بولۋ — ۇلكەن ماقتانىش ەكەنىن قوستى.