ءانشى ءمولدىر اۋەلبەكوۆا الەۋمەتتىك جەلىدەگى جازباسىمەن جۇرتشىلىقتىڭ نازارىن اۋداردى. ول ءوزىن قازاق ەستراداسىنداعى اڭىز انشىلەرمەن بىردەي ساناتقا قويعانداي اسەر قالدىرىپ، جەلىدە قىزۋ پىكىرتالاس تۋدىردى.
بۇل تۋرالى Infohub.kz اقپارات اگەنتتىگى حابارلايدى.
ءانشىنىڭ ايتۋىنشا، گاسترولدىك ساپارمەن بۇكىل قازاقستاندى ارالاپ، جەكە كونسەرت بەرەتىن قىز انشىلەردىڭ سانى وتە از. ول تىزىمگە ءوزىن دە قوسىپ، بىلاي دەپ جازدى: «ماقپال ءجۇنىسوۆا، روزا رىمباەۆا، روزا ءالقوجا، ناركەنجە جانە مەن. نەگە؟»
جەلى قولدانۋشىلارىنىڭ پىكىرى
بۇل پىكىر كوپشىلىكتىڭ كوڭىلىنەن شىقپادى. جەلىدەگىلەر ءانشىنىڭ ءوزىن حالىق ارتىستەرىمەن بىردەي دارەجەگە قويعانىن سىنعا الدى. كەيبىر پىكىرلەردە «سامووسەنكا مىقتى، ءوزىن لەگەندالاردىڭ قاسىنا قوسىپ قويىپتى» دەپ مىسقىلداسا، ەندى ءبىرى «مارجان اراپباەۆا، مەرۋەرت تۇسىپباەۆا، ديلناز احماديەۆا… تولىپ جاتىر عوي. وزىڭە كوپ الىپ قويعان سياقتىسىڭ» دەپ جازدى.
ءانشىنى قولداعاندار دا تابىلدى
دەگەنمەن، ءانشىنى قولداعاندار دا تابىلدى. ولار ءمولدىر اۋەلبەكوۆانىڭ گاسترولدىك كونسەرتتەرىنىڭ سۇرانىسقا يە ەكەنىن ايتىپ، «ءانىڭىز كوپ بولعاندىقتان، حيت بولعاندىقتان» دەپ پىكىر ءبىلدىردى. بۇل جازبا الەۋمەتتىك جەلىدە تەز تارالىپ، شوۋ-بيزنەس ورتاسىندا قىزۋ تالقىعا اينالدى.