حالىقارالىق رەيتينگتىك اگەنتتىك Moody's Ratings 2026 جىلعى 4 قىركۇيەكتە Freedom Life ءومىردى ساقتاندىرۋ كومپانياسىنا ۇلتتىق جانە شەتەل ۆاليۋتاسىندا Baa3 دەڭگەيىندەگى ساقتاندىرۋشىنىڭ قارجىلىق تۇراقتىلىق رەيتينگىن بەردى، بولجام — تۇراقتى. بۇل كومپانيا تاريحىنداعى العاشقى ينۆەستيسيالىق رەيتينگ، دەپ حابارلايدى infohub.kz سايتى.
بەرىلگەن Baa3 رەيتينگى ينۆەستيسيالىق ساناتقا جاتادى جانە S&P مەن Fitch شكالالارى بويىنشا BBB- دەڭگەيىنە سايكەس كەلەدى. ول كومپانيانىڭ S&P Global Ratings-تەگى قولدانىستاعى BB+ رەيتينگىنەن جوعارى بولىپ شىقتى. وسىلايشا، Freedom Life العاش رەت ينۆەستيسيالىق دەڭگەيدەگى رەيتينگ الدى. Moody's ساقتاندىرۋشىنىڭ قارجىلىق تۇراقتىلىعىن جانە دەفولت تاۋەكەلىنىڭ تومەندىگىن اتاپ ءوتتى.
باعالاۋدىڭ نەگىزگى فاكتورلارىنىڭ ءبىرى — كومپانيانىڭ قازاقستاننىڭ ءومىردى ساقتاندىرۋ نارىعىنداعى پوزيسياسى. 2025 جىلى Freedom Life ساقتاندىرۋ سىيلىقاقىلارىنىڭ كولەمى بويىنشا شامامەن 20% ۇلەسپەن ءۇشىنشى ورىندى يەلەندى. 2023–2025 جىلدارى كومپانيا ەلدەگى ەڭ ءىرى ءومىردى ساقتاندىرۋشىلاردىڭ ۇشتىگىنە كىردى.
Moody's باعالاۋىنشا، بيزنەستىڭ دامۋىنا Freedom Lifeء-تىڭ Freedom Holding Corp. قارجى ەكوجۇيەسىنە ينتەگراسياسى دا اسەر ەتەدى. بۇل كومپانياعا برەندتىڭ تانىمالدىلىعىن ارتتىرۋعا، كروسس-ساتۋدى دامىتۋعا جانە Freedom SuperApp ارقىلى كليەنتتەردى تارتۋعا كومەكتەسەدى. 2026 جىلدىڭ ناۋرىزىنا قاراي قوسىمشانىڭ تىركەلگەن پايدالانۋشىلارىنىڭ سانى 5 ميلليوننان استى.
Moody's كومپانيانىڭ كونسەرۆاتيۆتى ينۆەستيسيالىق ستراتەگياسىن بولەك اتاپ ءوتتى. 2025 جىلدىڭ سوڭىندا Freedom Lifeء-تىڭ ينۆەستيسيالانعان اكتيۆتەرىنىڭ شامامەن 90% تۇراقتى كىرىستى باعالى قاعازدارعا تيەسىلى بولدى. پورتفەلدىڭ نەگىزىن قازاقستاننىڭ مەملەكەتتىك، كۆازيمەملەكەتتىك جانە مەملەكەتكە قاتىستى ەميتەنتتەرى قۇرايدى.
كومپانيانىڭ كاپيتال پوزيسياسى دا نىعايدى. مەنشىكتى كاپيتالدىڭ جيىنتىق اكتيۆتەرگە قاتىناسى 2024 جىلعى 24%-دان 2025 جىلى 30%-عا ءوستى. وتكەن جىلدىڭ سوڭىندا تولەم قابىلەتتىلىك كوەففيسيەنتى شامامەن 430% قۇرادى جانە 2026 جىلدىڭ ءبىرىنشى جارتىجىلدىعىندا ءوسۋدى جالعاستىردى.
Freedom Lifeء-تىڭ 2025 جىلعى تازا پايداسى 36%-عا — 12،5 ملرد تەڭگەدەن 17 ملرد تەڭگەگە دەيىن ءوستى. ورتاشا كاپيتالدىڭ رەنتابەلدىلىگى 23%-عا جەتتى.
Moody's كومپانيا ينۆەستيسيالىق كىرىس پەن ينۆەستيسيالىق پورتفەلدىڭ كىرىستىلىگى مەن ساقتاندىرۋ شارتتارى بويىنشا كەپىلدەندىرىلگەن مولشەرلەمەلەر اراسىنداعى ايىرماشىلىقتىڭ ارقاسىندا تۇراقتى تابىستىلىقتى ساقتايدى دەپ كۇتەدى.
تۇراقتى بولجام اگەنتتىكتىڭ الداعى 12–18 ايدا Freedom Lifeء-تىڭ كۇشتى نارىقتىق پوزيسيالارى مەن قارجىلىق بەيىنىنىڭ ساقتالۋىن كۇتەتىنىن بىلدىرەدى. ۇزاق مەرزىمدى تاۋەكەل فاكتورلارىنىڭ قاتارىندا Moody's زەينەتاقى اننۋيتەتتەرىنىڭ ۇلەسىنىڭ ءوسۋىن جانە ونىمەن بايلانىستى اكتيۆتەر مەن مىندەتتەمەلەردى باسقارۋ ماسەلەلەرىن ءبولىپ كورسەتەدى.
Freedom Life باسقارما ءتوراعاسى ازامات ەردەسوۆ رەيتينگ الۋدى بيزنەستىڭ ءوسۋى، كاپيتالدىڭ نىعايۋى جانە كومپانيانىڭ تۇراقتى تابىستىلىعىنىڭ ناتيجەسى دەپ اتادى.
«ءبىز كومپانيانى تەك بيزنەس كولەمىن ۇلعايتۋ ارقىلى عانا ەمەس، سونىمەن قاتار ءونىم جەلىسىن كەڭەيتۋ، ساقتاندىرۋ قىزمەتتەرىن سيفرلاندىرۋ جانە Freedom ەكوجۇيەسىنە ينتەگراسيالاۋ ارقىلى دامىتامىز. ءبىز ءۇشىن كەلەسى كەزەڭ — قارجىلىق تۇراقتىلىقتى ودان ءارى نىعايتۋ، ۇزاق مەرزىمدى ساقتاندىرۋ جانە جيناقتاۋ ونىمدەرىن دامىتۋ جانە قازاقستاندىقتار ءۇشىن ءومىردى ساقتاندىرۋدىڭ قولجەتىمدىلىگىن ارتتىرۋ»، — دەدى ول.
بۇعان دەيىن «كۋرسيۆ» S&P Global Ratings Freedom Holding Corp. (FRHC) جانە ونىڭ ءتورت نەگىزگى ەنشىلەس كومپانياسىنىڭ ۇزاق مەرزىمدى كرەديتتىك رەيتينگتەرى بويىنشا بولجامدى قايتا قاراعانىن جازعان بولاتىن. بولجام «تۇراقتىدان» «وڭعا» وزگەرتىلدى. سونىمەن قاتار، «فريدوم فينانس» اق جانە «فريدوم بانك كازاحستان» اق بروكەرىنىڭ ۇلتتىق شكالا بويىنشا رەيتينگتەرى «kzA-» دەڭگەيىنەن «kzA»-عا كوتەرىلدى.