2025 جىلعى 5 ساۋىردەن باستاپ قازاقستاندا موپەدتەر رەسمي تۇردە مەحانيكالىق كولىك قۇرالدارىنا تەڭەستىرىلەدى، دەپ حابارلايدى Todayinfo.kz Polisia.kz سىلتەمە جاساپ.
بۇل موپەدتەردى پايدالانۋ ءۇشىن ارنايى قۇجاتتار مەن راسىمدەر قاجەت ەكەنىن بىلدىرەدى:
- پوليسيادا تىركەۋ؛
- ا1، ا نەمەسە ۆ ساناتىنداعى جۇرگىزۋشى كۋالىگى؛
- تەحنيكالىق تەكسەرۋ؛
- ازاماتتىق جاۋاپكەرشىلىكتى ساقتاندىرۋ.
موپەدتى قالاي تىركەۋگە بولادى؟
موپەدتى تىركەۋ ءۇشىن تۇرعىلىقتى مەكەنجايىڭىز بويىنشا ارنايى حقكو-عا كەلەسى قۇجاتتاردى تاپسىرۋ قاجەت:
- جەكە كۋالىك (ەلەكتروندى تۇردە ۇسىنۋعا بولادى)؛
- موپەدتىڭ تەحنيكالىق قۇجاتى نەمەسە سيپاتتاماسى.
تىركەۋ كەزىندە ءوتىنىش تولتىرىپ، موپەدتى تەكسەرۋدەن وتكىزىپ، مەملەكەتتىك باجدى تولەۋ كەرەك.
ماڭىزدى:
2025 جىلعى 5 ساۋىردەن باستاپ تىركەلمەگەن موپەدتەردى جۇرگىزۋ جانە جۇرگىزۋشى كۋالىگىنسىز كولىك باسقارۋ زاڭسىز بولىپ سانالادى. سوندىقتان موپەدتى تىركەۋدەن وتكىزىپ، جۇرگىزۋشى كۋالىگىن الۋدى ۇسىنامىز. بۇل تۋرالى ق ر ءىىم اكىمشىلىك پوليسيا كوميتەتىنىڭ ارنايى تاپسىرمالار جونىندەگى اعا ينسپەكتورى اراي تولەگەن قىزى حابارلادى.
جاڭا زاڭنامانىڭ ءمانى
2023 جىلعى 3 قازاندا قازاقستان پرەزيدەنتى قاسىم-جومارت توقايەۆ "جول ءجۇرىسى تۋرالى" جانە اكىمشىلىك كودەكسكە تۇزەتۋلەر ەنگىزۋ تۋرالى زاڭعا قول قويدى. ەندى موپەد جۇرگىزۋشىلەرى ا1 ساناتىنداعى جۇرگىزۋشى كۋالىگىنە يە بولۋى ءتيىس. 2025 جىلعى 4 ساۋىردەن باستاپ موپەدتەرگە مەملەكەتتىك ءنومىرسىز جانە جۇرگىزۋشى كۋالىگىنسىز جۇرۋگە تىيىم سالىنادى.
بۇل تالاپ موپەدتەردىڭ بارلىق تۇرلەرىنە قاتىستى، سونىڭ ىشىندە ەڭ جوعارى جىلدامدىعى ساعاتىنا 50 شاقىرىمنان اسپايتىن كولىكتەردى دە قامتيدى.