ماسكەۋدەن استاناعا ۇشقان ۇشاق بورتىنداعى وقيعا 36 جاستاعى شەتەلدىك ازامات ءۇشىن 12 تاۋلىك اكىمشىلىك قاماۋمەن اياقتالدى. ەر ادام قوعامدىق ءتارتىپتى بۇزىپ، ەكيپاج تالاپتارىنا باعىنباعان جانە باسقا جولاۋشىلارعا بىلاپىت سوزدەر ايتقان، دەپ حابارلايدى infohub.kz سايتى.
NUR.KZء-تىڭ Polisia.kz-كە سىلتەمە جاساپ حابارلاۋىنشا، ۇشاق استانا اۋەجايىنا قونعان سوڭ بۇزاقى اكتى بويىنشا كولىكتەگى پوليسيا باسقارماسىنىڭ قىزمەتكەرلەرىنە تاپسىرىلدى.
«كولىك پوليسەيلەرى 36 جاستاعى شەتەلدىك ازاماتتىڭ الكوگولدىك ماساڭ كۇيدە بولىپ، قوعامدىق ءتارتىپتى بۇزعانىن انىقتادى: ول ەكيپاج مۇشەلەرىنىڭ تالاپتارىن ورىنداماي، باسقا جولاۋشىلارعا بىلاپىت سوزدەر ايتقان»، — دەدى كولىكتەگى پوليسيا دەپارتامەنتى باستىعىنىڭ ورىنباسارى كۇرمەت ماجيكەنوۆ.
ىشكى ىستەر مينيسترلىگىنىڭ اقپاراتتىق مەدياپورتالىنىڭ دەرەگىنشە، قۇقىق بۇزۋشى بىرنەشە فاكتى بويىنشا جاۋاپكەرشىلىككە تارتىلدى: ۇساق بۇزاقىلىق، الكوگولدىك ىشىمدىكتەردى ءىشۋ نەمەسە قوعامدىق ورىنداردا ماساڭ كۇيدە كورىنۋ، سونداي-اق اۋە كەمەسى بورتىنداعى مىنەز-ق ۇلىق ەرەجەلەرىن بۇزۋ.
سوت شەشىمىمەن شەتەلدىك ازامات 12 تاۋلىككە قامالدى. سونىمەن قاتار، جولاۋشىنىڭ ءبىر جىل ىشىندە الكوگولدى تۇتىنعانى ءۇشىن جاۋاپكەرشىلىككە تارتىلعانى انىقتالدى.
«كولىكتەگى پوليسيا دەپارتامەنتى ەسكەرتەدى: اۋە كەمەسىنىڭ بورتى — جاۋاپكەرشىلىگى جوعارى ايماق. ەكيپاج تالاپتارىنا باعىنباۋ مەن اگرەسسيۆتى مىنەز-ق ۇلىق زارداپسىز قالمايدى. بەلگىلەنگەن ەرەجەلەردى بۇزعانى ءۇشىن زاڭناماعا سايكەس جاۋاپكەرشىلىك قاراستىرىلعان»، — دەپ قوستى پوليسيادا.
بۇعان دەيىن استانا تۇرعىنى ۇشاق بورتىندا اگرەسسيۆتى مىنەز-ق ۇلىق تانىتىپ، پوليسەيلەردىڭ نۇسقاۋلارىن ورىنداۋدان باس تارتقانى ءۇشىن 10 تاۋلىككە قامالعانى حابارلانعان بولاتىن.