MrBeast ەسىمىمەن تانىمال امەريكاندىق بلوگەر ءارى كاسىپكەر دجيممي دونالدسون وڭتۇستىك افريكالىق جازۋشى ءارى كونتەنت جاساۋشى تەيا بويسەنگە ۇيلەنگەنىن جاريالادى. تويدىڭ سۋرەتتەرىن ول Instagram-داعى پاراقشاسىنا سالدى، دەپ حابارلايدى infohub.kz.
جاريالانعان سۋرەتتەردە جاس جۇبايلار تابيعات اياسىندا ۇيلەنۋ كيىمدەرىمەن تۇسكەن. پوست بىرنەشە ساعات ىشىندە ميلليونداعان لايك پەن مىڭداعان قۇتتىقتاۋ جينادى.
11 شىلدە كۇنى MrBeast جاڭا روليكتى شىعارا المايتىنىن X الەۋمەتتىك جەلىسىندە جازعان ەدى. «بۇگىن جاڭا ۆيدەو جوق — مۇمكىن، مەن ۇيلەنىپ جاتىرمىن عوي، سوندىقتان ءسال بوس ەمەسپىن»، — دەپ جازدى ول.
MrBeast پەن تەيا بويسەن 2022 جىلى وڭتۇستىك افريكادا تانىسىپ، بىرنەشە ايدان كەيىن كەزدەسىپ جۇرگەندەرىن راستاعان. جۇپ 2025 جىلدىڭ باسىندا نەكەلەسۋ تۋرالى حابارلادى. بلوگەر بۇعان دەيىن تويدى وتباسى مەن جاقىن دوستارىنىڭ اراسىندا وتكىزگىسى كەلەتىنىن ايتقان.
MrBeast YouTube-تاعى ەڭ تانىمال اۆتور بولىپ قالا بەرەدى. ونىڭ ارناسىندا جۇزدەگەن ميلليون جازىلۋشى بار، ال ۆيدەولارى تۇراقتى تۇردە ونداعان، ءتىپتى جۇزدەگەن ميلليون قارالىم جينايدى. ول اۋقىمدى چەللەندجدەرى، قايىرىمدىلىق جوبالارى جانە ءىرى اقشالاي ۇتىس ويىندارىمەن تانىمال.