امەريكاندىق بلوگەر MrBeast (دجيممي دونالدسون) رەسمي تۇردە وتباسىلى بولدى. YouTube جۇلدىزى سۇيىكتىسى تەيا بويسەنگە ۇيلەنىپ، جانكۇيەرلەرىنە ۇيلەنۋ تويىنان رومانتيكالىق فوتوسۋرەتتەردى جاريالادى، دەپ حابارلايدى infohub.kz.
سالتاناتتى كۇنگە قالىڭدىق بىرنەشە اسەرلى كورىنىس تاڭدادى. راسىمدە تەيا Nicole + Felicia Couture برەندىنىڭ تەرەڭ ويىقتى، ءمولدىر شىلتەرلى كويلەگىن كيىپ، ۇزىن پەردە تاقتى. كەيىن ول اق اتلاس ميني-كويلەككە اۋىستى، ال سوڭعى بەينەسىن اشىق يىقتى، قاۋىرسىننان جاسالعان قىسقا مامىق يۋبكا تولىقتىردى.
دجيممي دونالدسون ۇيلەنۋ راسىمىنە كلاسسيكالىق ءستيلدى تاڭدادى: اق پيدجاك Ralph Lauren، كوبەلەك گالستۋك قوسىلعان كويلەك جانە قارا شالبار. رەسمي بولىمنەن كەيىن بلوگەر كەشتىڭ مەرەكەلىك بولىمىنە جەڭىلىرەك كيىم اۋىستىردى.
«مەن ءوزىمنىڭ MrsBeastء-تى تاپتىم. بۇل مەنىڭ ومىرىمدەگى ەڭ جاقسى كۇن بولدى»، — دەپ جازدى MrBeast جاريالانعان سۋرەتتەردىڭ استىندا.
People باسىلىمىنىڭ دەرەگىنشە، ۇيلەنۋ تويى Virgin Group نەگىزىن قالاۋشى ريچارد برەنسونعا تيەسىلى جەكە نەكەر ارالىندا ءوتتى. مەرەكە ءبىر اپتاعا سوزىلىپ، قوناقتار اراسىندا جۇپتىڭ ەڭ جاقىن 70-كە جۋىق ادامى — تۋىستارى مەن دوستارى بولدى.
28 جاستاعى دجيممي دونالدسون الەمدەگى ەڭ تابىستى بلوگەر سانالادى. ونىڭ اۋديتورياسى 500 ميلليوننان اسادى، ال Forbes ونىڭ بايلىعىن شامامەن 2،6 ميلليارد دوللارعا باعالايدى. باسىلىمنىڭ مالىمەتىنشە، MrBeastء-تىڭ جىلدىق تابىسى شامامەن 300 ميلليون دوللاردى قۇرايدى.