2026 جىلدىڭ 1 قازانىنا دەيىن قازاقستاندىقتار 2025 جىلعى م ۇلىك سالىعىن تولەۋى ءتيىس. بۇل پاتەر، ءۇي، ساياجاي، گاراج، اۆتوتۇراق، شارۋاشىلىق قۇرىلىستارى مەن جەر تەلىمدەرىنىڭ يەلەرىنە قاتىستى. سونىمەن قاتار، ازاماتتاردىڭ ءبىر بولىگى سالىقتان تولىق بوساتىلسا، كەيبىرەۋلەرى جەڭىلدىكتەردى پايدالانا الادى، دەپ حابارلايدى infohub.kz سايتى.
م ۇلىك سالىعىن تولەۋدەن جەتىم بالالار مەن اتا-اناسىنىڭ قامقورلىعىنسىز قالعان بالالار 18 جاسقا تولعانعا دەيىن تولىق بوساتىلعان.
ءبىرقاتار مەنشىك يەلەرى ساناتتارى ءۇشىن سالىق جەڭىلدىكتەرى قاراستىرىلعان. ولار سالىقتى تولىق جويمايدى، تەك سالىق ەسەپتەلەتىن م ۇلىك قۇنىن تومەندەتەدى. ەگەر وبەكتىنىڭ قۇنى بەلگىلەنگەن ليميتتەن اسپاسا، سالىق تولەۋدىڭ قاجەتى جوق. ال ەگەر اسسا، سالىق تەك وسى شەكتەن اساتىن سوماعا عانا ەسەپتەلەدى.
1 000 اەك (3 932 000 تەڭگە) كولەمىندەگى جەڭىلدىك جالعىز تۇراتىن زەينەتكەرلەرگە، «التىن القا» يەگەرلەرىنە، «انا داڭقى» وردەنىمەن ماراپاتتالعان باتىر انالارعا، كەڭەس وداعىنىڭ باتىرلارىنا، سوسياليستىك ەڭبەك ەرلەرىنە، «حالىق قاھارمانى» جانە «قازاقستاننىڭ ەڭبەك ەرى» اتاقتارىنىڭ يەگەرلەرىنە، «داڭق» وردەنىنىڭ تولىق كاۆالەرلەرىنە، «وتان» وردەنىمەن ماراپاتتالعاندارعا بەرىلەدى. ەگەر م ۇلىكتىڭ قۇنى 3،932 ملن تەڭگەدەن اسپاسا، سالىق تولەۋدىڭ قاجەتى جوق.
1 500 اەك (5 898 000 تەڭگە) كولەمىندەگى جەڭىلدىك مۇگەدەكتىگى بار ادامدارعا، ۇلى وتان سوعىسىنىڭ ارداگەرلەرىنە، ولارعا تەڭەستىرىلگەن تۇلعالارعا، سونداي-اق سوعىس جىلدارىندا تىلداعى ادال ەڭبەگى نەمەسە ءمىنسىز قىزمەتى ءۇشىن كسرو وردەندەرىمەن جانە مەدالدارىمەن ماراپاتتالعاندارعا بەرىلەدى. ەگەر وبەكتىنىڭ قۇنى وسى شەكتەن اسپاسا، سالىق سالىنبايدى؛ اسقان جاعدايدا سالىق تەك اسىپ كەتكەن سوماعا عانا ەسەپتەلەدى.
ەگەر سالىق ورگانى جەڭىلدىكتى ەسەپكە الماي سالىقتى ەسەپتەپ قويسا، مەنشىك يەسى قايتا ەسەپتەۋ ءۇشىن م ۇلىكتىڭ ورنالاسقان جەرىندەگى سالىق ورگانىنا نەمەسە e-Otinish سەرۆيسى ارقىلى جۇگىنە الادى، وندا وبەكتىنىڭ مەكەنجايى مەن جەڭىلدىك نەگىزىن كورسەتۋى قاجەت.
جەكە تۇلعالاردىڭ م ۇلىك پەن جەر تەلىمىنە سالىعىن سالىق ورگاندارى ەسەپتەيدى. جەكە ءۇي يەلەرىنە ءۇي مەن جەرگە سالىق بىردەن ەسەپتەلىپ، ءبىر تولەممەن تولەۋگە بولادى. ەسەپتەۋ كەزىندە اۋدانى، شارشى مەتردىڭ بازالىق قۇنى، ايماق، توزۋ دارەجەسى، ايماقتاندىرۋ كوەففيسيەنتى، وبەكتىنىڭ ماقساتى مەن اەك مولشەرى ەسكەرىلەدى. نارىقتىق قۇن ەمەس، مەملەكەتتىك باعالاۋ قولدانىلادى.
2026 جىلدان باستاپ قازاقستاندا قۇنى 450 ملن تەڭگەدەن اساتىن م ۇلىككە سالىقتىڭ جوعارىلاتىلعان مولشەرلەمەسى قولدانىلادى. الايدا بيىلعى جىلى ول قولدانىلمايدى: 2026 جىلدىڭ 1 قازانىنا دەيىن 2025 جىلعى سالىق بۇرىنعى ەرەجەلەر بويىنشا تولەنەدى. جوعارىلاتىلعان مولشەرلەمە العاش رەت 2026 جىلعى سالىقتى ەسەپتەۋ كەزىندە قولدانىلادى (2027 جىلدىڭ 1 قازانىنا دەيىن تولەنەدى). قۇنى 450 ملن تەڭگەدەن اساتىن بولىككە 2% مولشەرلەمە قولدانىلادى.