ءۇندىستاننىڭ قارجى استاناسىندا قوعامدىق تاماقتانۋ ورىندارىن تەكسەرۋدىڭ سوڭعى جىلدارداعى ەڭ ءىرى ناۋقانى باستالدى. مۋمباي بيلىگى تانىمال مەيرامحانالار، كافەلەر مەن كونديتەرلىك دۇكەندەرگە قاتاڭ رەيدتەر جۇرگىزدى. تەكسەرۋ بارىسىندا اتى اڭىزعا اينالعان مەكەمەلەردەن ەگەۋقۇيرىقتار، شىبىندار، مەرزىمى وتكەن ينگرەديەنتتەر، لاس ەدەندەر مەن جۋىلماعان ىدىس تاۋلارى تابىلدى... دەپ حابارلايدى infohub.kz.
مۋمباي سانيتارلىق قاداعالاۋ باسقارماسىنىڭ ينسپەكتورلارى ەگەۋقۇيرىقتار مەن كىرگە بايلانىستى قالاداعى ونداعان كۋلتتىك مەكەمەنىڭ جۇمىسىن ۋاقىتشا توقتاتتى، دەپ جازادى The Straits Times.
رەيدتەردى ماحاراشترا شتاتىنىڭ ازىق-ت ۇلىك جانە دارى-دارمەك باقىلاۋ باسقارماسىنىڭ باسشىسى تۋكارام مۋندحە باسقاردى. تەك شىلدە ايىندا ونىڭ ۆەدومستۆوسى 900-گە جۋىق كاسىپورىندى تەكسەرىپ، 100-دەن استام ليسەنزيانىڭ قولدانىلۋىن توقتاتتى. سانكسيالارعا ەڭ كونە كونديتەرلىك دۇكەندەر دە، ەليتالىق سپورت كلۋبتارىنداعى اسحانالار دا ىلىكتى.
مۋمباي تۇرعىندارى قاتاڭ شارالاردى قولدادى، الايدا مەيرامحانا قاۋىمداستىقتارى پرەمەر-مينيستر نارەندرا موديگە شاعىمداندى. بيزنەس يەلەرى كەمشىلىكتەردى تۇزەتۋ مۇمكىندىگىنسىز مەكەمەلەردىڭ كەنەتتەن جابىلۋىنا نارازى. ساراپشىلاردىڭ ايتۋىنشا، رەتتەۋشىگە قىزمەتكەرلەر اپاتتى تۇردە جەتىسپەيدى: بۇكىل شتاتتا قاجەتتى ەكى مىڭنىڭ ورنىنا 400-دەن از ينسپەكتور جۇمىس ىستەيدى.