«مۋزارت» توبىنىڭ بەلگىلى ءانشىسى كەنجەبەك تۇرسىنباي ۇلى قاسيەتتى مەككەگە باۋىرىمەن بىرگە ساپارلاپ، ومىردەگى ەڭ جاقىن ادامدارىن ەسكە الدى. بۇل تۋرالى Sn.kz اقپارات پورتالى حابارلايدى.
ءانشىنىڭ ايتۋىنشا، اكەسىنەن 4 جاسىندا، اناسىنان 17 جاسىندا ايىرىلعان. بۇل تۋرالى ول ءوزىنىڭ Instagram پاراقشاسىندا جازدى.
«اكەمنەن 4 جاسىمدا، انامنان 17 جاسىمدا ەرتە ايىرىلدىم. سول كىسىلەردىڭ ءۇمىتىن اقتاي الدىم با، بىلمەيمىن... وسى ەكى جاقىن ادامنىڭ اتىنان نيەت ەتىپ، باۋىرىممەن بىرگە كيەلى مەككەگە كەلدىك. بارشاڭىزعا دۇعا جاسادىق. اللا قابىل ەتسىن»، - دەپ جازدى كەنجەبەك تۇرسىنباي ۇلى.