2025 جىلدىڭ قورىتىندىسى بويىنشا پاۆلودار وبلىسىندا مىس كەنىن بارلاۋ جانە ءوندىرۋ ليسەنزيالارىنا يە Copper Exploration Group كومپانياسى 2،5 ملن تەڭگە شىعىنعا ۇشىرادى. بۇل رەتتە ونىڭ بارلاۋ جۇمىستارىنا جۇمساعان شىعىندارى 1،1 ملرد تەڭگەدەن استى. كومپانيانىڭ تەڭ يەلەرىنىڭ ءبىرى — بەلگىلى كاسىپكەر عاليمجان ەسەنوۆتىڭ تۋىسى ءارى «كازفوسفاتتىڭ» بۇرىنعى باسشىسى ماقسۇتبەك ەسەنوۆ، دەپ حابارلايدى infohub.kz.
Copper Exploration Group ەسەپتىلىگىنە سايكەس، كومپانيانىڭ 2025 جىلعى شىعىنى 2،5 ملن تەڭگەنى قۇرادى. الدىڭعى جىلى ول 175 مىڭ تەڭگە كولەمىندە شاعىن پايدا تاپقان ەدى. سونىمەن قاتار، كومپانيادا ەشقانداي كىرىس جوق، شاماسى، ول ءالى پايدالى قازبالاردى وندىرۋگە كىرىسپەگەن. اكىمشىلىك شىعىندار 1،6 ملن تەڭگەنى، ال باسقا شىعىندار 3،5 ملن تەڭگەنى قۇرادى.
الايدا كومپانيانىڭ ناقتى شىعىندارى بۇل سومالارمەن شەكتەلمەيدى. كومپانيادا ليسەنزيالارى بار كەن ورىندارىن بارلاۋعا جۇمسالعان ناقتى شىعىنداردىڭ باسىم بولىگى پايدا مەن زالالعا ەمەس، «بارلاۋ جانە باعالاۋ اكتيۆتەرى» بولىمىنە جات قىزىلعان. 2025 جىلى گەولوگيالىق بارلاۋ، گەوحيميالىق، زەرتحانالىق جانە باسقا دا جۇمىستارعا ناقتى شىعىندار 1،1 ملرد تەڭگەدەن استى.
Copper Exploration Group پايدالى قازبالاردى بارلاۋ جانە ءوندىرۋ، سونداي-اق مىس وندىرۋمەن اينالىسادى. كومپانيا 2022-2024 جىلدار ارالىعىندا ءارقايسىسى التى جىل مەرزىمگە بەرىلگەن پاۆلودار وبلىسىنداعى مىس كەن ورىندارىنىڭ ءارتۇرلى ۋچاسكەلەرىن بارلاۋعا ارنالعان سەگىز ليسەنزياعا يە.
كومپانيانىڭ كوپتەگەن يەلەرى بار. 25% ۇلەسى 2014 جىلى ەڭ باي قازاقستاندىقتار تىزىمىنە ەنگەن كاسىپكەر اسقار الشىنباەۆتىڭ ۇلى ءادىل الشىنباەۆقا تيەسىلى.
تاعى 25% اكسيانى ماقسۇتبەك ەسەنوۆ يەلەنەدى. ول كوپ جىلدار بويى «كازفوسفات» كومپانياسىنىڭ باسقارما ءتوراعاسى بولدى. ب ا ق مالىمەتىنشە، ول 2021 جىلعا دەيىن سول «كازفوسفاتتىڭ» يەسى بولعان بەلگىلى كاسىپكەر عاليمجان ەسەنوۆتىڭ اعاسى (ەسكەرتپە – تەگى مەن اكەسىنىڭ اتى سايكەس كەلەدى).
قالعان ۇلەستەر جاناسوۆتار وتباسى مۇشەلەرىنە – ەرمەككە (25%)، اقبوتا مەن ءاميناعا (ءارقايسىسىنا 2،5%)، سونداي-اق رۋسلان فەلدكە (2،5%) تيەسىلى.
بۇعان دەيىن اساۋباەۆتار وتباسىنىڭ كومپانياسى بۇرىنعى سەمەي پوليگونىندا توننا التىن وندىرەتىنى حابارلانعان بولاتىن.