قازاقستاندىقتارعا جاڭا كولىكتەردىڭ قولجەتىمدىلىگىن ارتتىرۋ جوسپارىن ۇكىمەت ۇيىندەگى بريفينگتە يندۋستريا جانە قۇرىلىس مينيسترلىگىنىڭ باسشىسى ەرسايىن ناگاسپايەۆ ءتۇسىندىردى، دەپ حابارلايدى infohub.kz.
مينيستر بۇعان دەيىن قازاقستاندا كولىكتەردىڭ قولجەتىمدىلىگىن ارتتىرۋدى، ونىڭ ىشىندە اۆتوكرەديتتەۋ كەزىندە قارىز جۇكتەمەسى كوەففيسيەنتىن (قجك) ەسەپكە الۋدى الىپ تاستاۋ ارقىلى كوتەرۋ نيەتىن بىلدىرگەن ەدى. تىلشىلەر بۇل باستامانىڭ حالىقتىڭ نەسيەلەنۋىن ازايتۋمەن اينالىسىپ جاتقان ۇلتتىق بانك جانە قارجى نارىعىن رەتتەۋ جانە دامىتۋ اگەنتتىگىمەن كەلىسىلگەن-كەلىسپەگەنىن سۇرادى.
«ءبىزدىڭ ۇلكەن تىلەگىمىز، ءبىزدىڭ ۇسىنىسىمىز – ءبىز وسىنى تالاپ ەتەمىز. ول جىل سوڭىنا دەيىن قولدانىلادى، ءبىراق ءبىز بۇل ۇسىنىستى ۇكىمەتكە دە ەنگىزدىك جانە ۇكىمەت اتىنان ۇلتتىق بانكتىڭ بىزگە قولداۋ كورسەتىپ، ءبىزدىڭ ۇستانىمىمىزدى ەسكەرگەنىن قالايمىز. جىل سوڭىنا دەيىن بۇل شارا قولدانىلادى، ءبىراق ءبىز بۇل ماسەلەنى مىندەتتى تۇردە پىسىقتايمىز. بۇل – ءبىزدىڭ ۇستانىمدىق پوزيسيامىز»، – دەدى ەرسايىن ناگاسپايەۆ.