نان قايدان پايدا بولادى؟

ءبىلىم سالاسى: «الەۋمەتتىك ورتا»
اشىق وقۋ ءىس - ارەكەتى: «ەكولوگيا نەگىزدەرى»
تاقىرىبى: نان قايدان پايدا بولادى؟
ماقساتى: بالالاردى ناننىڭ ءبىزدىڭ داستارحانىمىزعا قالاي كەلەتىنى جايلى تۇسىنىك بەرۋ.
ءداندى ەگۋدەن باستاپ، نان بولعانعا دەيىنگى ەڭبەك تۇرلەرىمەن تانىستىرۋ. ادام ەڭبەگىن قۇرمەتتەۋدى، ناندى قادىرلەۋدى ۇيرەتۋ.
كورنەكىلىگى: سۋرەتتەر، نان تۇرلەرى.
بيلينگۆيزم: نان – حلەب، ءبالىش - پيروشكي، بولىشكە – بۋلوچكا.

موتيۆاسيالىق قوزعالىس.
نان قوقىمىن شاشپاڭدار،
جەردە جاتسا باسپاڭدار
تەرىپ الىپ قاستەرلەپ
تورعايلارعا تاستاڭدار.

ىزدەنۋ ۇيىمداستىرۋشىسى.
- بالالار جىلدىڭ نەشە مەزگىلى بار؟ (4مەزگىل)
- ءقازىر قاي مەزگىل؟ (كۇز)
- كۇزدە نەشە اي بار؟ (3 اي)
- كۇزدە اۋا رايى قانداي بولادى؟ (سالقىن)
- بالالار مەن جۇمباق جاسىرامىن، قانە كىم جاۋابىن ايتار ەكەن،
اسپاي پىسكەن
قايناماي تۇسكەن (جەمىس)
- جەمىستەر قاشان پىسەدى؟
- كۇزدە
استى تاس، ءۇستى تاس،
ورتاسىندا پىسكەن اس (نان)
- بالالار، ءبىز كۇندە اق نان، قارا نان نەمەسە ءتاتتى بولكەلەر، پەچەنەلەر، تورتتار جەيمىز. بۇلار نەدەن جاسالاتىنىن بىلەسىڭدەر مە؟
- ۇننان
- ال ۇندى نەدەن الادى؟
- ۇندى مىنا ىدىستاعى داندەردەن الادى.
- بارلىعىڭ مۇقيات قاراڭدار، بارلىق داندەر بىردەي مە؟ مىنا دوڭگەلەك داندەر – بيداي، ال سوپاق داندەر ارپا. بيداي مەن ارپا ءداندى – داقىلدار. بيدايدان - اق نان، ارپادان – قارا نان دايىندالادى. ولار ەگىستىكتە وسەدى الدىمەن ەگىس دالاسىن، جەردى تراكتورمەن جىرتادى. ابدەن جۇمسارتىلعان جەرگە تۇقىم سەبەدى. ونى سۋ قۇيىپ باپتايدى. ەگىنگە جاڭبىردىڭ دا پايداسى كوپ. كۇن كوزى مەن سۋ مول بولسا، ەگىن بىتىك شىعادى. كۇزدە ەگىن پىسكەندە ونى كومبايىنمەن جينايدى. ول ساباقتاردى وراپ، ودان داندەردى بولەك شىعارادى. بۇل داندەر ۇزىن ارناۋلى جەندەردەن جۇك ماشينالارىنا قۇيىلادى. سوسىن داندەردى ەلەۆاتورعا اپارادى. وندا ولاردى كەپتىرىپ، ءبىر بولىگىن تۇقىمدىققا قالدىرسا، ءبىر بولىگىن ديىرمەنگە تارتادى.
- ەندى ۇندى قايدا اپارادى دەپ ويلايسىڭدار؟
- ناۋبايحاناعا.
- ناۋبايحانادا ناۋبايشى كوپ ناندار. توقاشتار، پەچەنەلەر پىسىرەدى.
ەسىك سوعىلادى.
- بالالار، ەسىك سوعىپ تۇرعان كىم ەكەن كورەيىكشى.
- ناۋبايشى كەلەدى. بالالارعا نان ءپىسىرۋ جولىن كورسەتەدى.
- ءسويتىپ پىسكەن نان دۇكەنگە كەلەدى. ءبىز دۇكەننەن نان ساتىپ الامىز.

سەرگىتۋ ءساتى
كولبەڭ، كولبەڭ، كولەڭكەم،
كولبەڭدەگەن كولەڭكەم.
تاسىپ پىسكەن بيدايدى.
ايتشى قالاي جينايدى؟
كومبايىنمەن بيدايدى،
بىلاي، بىلاي جينايدى.
قاپتاپ ۇشقان تورعايدان،
ونى قالاي قورعايدى؟
قاپتاپ ۇشقان تورعايدان،
ونى بىلاي قورعايدى.

قىزىلوردا قالاسى، قاراوزەك اۋىلى،
№39 « قىزىلوزەك» ورتا مەكتەبىنىڭ
«اقەركە» شاعىن ورتالىعى تاربيەشىسى
سايدوۆا نارگيز مەيراموۆنا
نان قايدان پايدا بولادى؟ جۇكتەۋ