شقو كولونياسىندا سوتتالعاندارعا تىيىم سالىنعان زاتتاردى جەتكىزۋ ارەكەتى توقتاتىلدى. ەكى ۇيالى تەلەفون ناننىڭ ىشىنە تىعىلىپ جىبەرىلمەك بولعان. بۇل تۋرالى Polisia.kz-كە سىلتەمە جاساپ 24KZ حابارلادى.
تاماق جونەلتپەسىن تەكسەرۋ كەزىندە شقو بويىنشا ءقىجب دەپارتامەنتىنىڭ قىزمەتكەرلەرى ناننىڭ ىشىنەن ەكى تەلەفوندى تاۋىپ الدى. تىيىم سالىنعان زاتتار تاركىلەنىپ، ءتيىستى قۇجاتتار رەسىمدەلدى. دەپارتامەنتتە اتاپ وتكەندەي، مۇنداي ارەكەتتەر ءجيى ورىن الادى، الايدا مۇقيات تەكسەرۋدىڭ ارقاسىندا ولاردى ۋاقتىلى انىقتاپ، كولونيا اۋماعىنا وتكىزبەۋ مۇمكىن بولىپ وتىر. شقو بويىنشا ءقىجب دەپارتامەنتىنىڭ رەسمي وكىلى سالتانات وجيكانوۆا: «ۇيالى تەلەفوندار مەن باسقا دا تىيىم سالىنعان زاتتاردى زاڭسىز جەتكىزۋ جازانى وتەۋدىڭ بەلگىلەنگەن تارتىبىنە جانە مەكەمەنىڭ قاۋىپسىزدىگىنە ءقاۋىپ توندىرەدى. دەپارتامەنت ازاماتتاردى زاڭ تالاپتارىن ساقتاۋعا شاقىرادى جانە مۇنداي ارەكەتتەر ءۇشىن اكىمشىلىك جاۋاپكەرشىلىك قاراستىرىلعانىن ەسكەرتەدى»، – دەدى.
تولىعىراق infohub.kz سايتىندا.