2026 جىلدىڭ ءبىرىنشى جارتىسىندا قازاقستاندا 57 جالعان اقشا بەلگىسى انىقتالدى، ونىڭ 49-ى – بانكنوت، 8ء-ى – مونەتا. جالپى سوماسى – 259 400 تەڭگە. بۇل 2025 جىلدىڭ سايكەس كەزەڭىمەن سالىستىرعاندا 68،4%-عا كەم. بۇل تۋرالى infohub.kz حابارلادى.
ۇلتتىق بانكتىڭ دەرەكتەرى بويىنشا، ەڭ كوپ قولدان جاسالعان بانكنوتتار – 2 مىڭ تەڭگەلىك كۋپيۋرالار، سانى 22 دانا (جالپى جالعان اقشانىڭ 38،6%-ى). ەكىنشى ورىندا – 10 مىڭ تەڭگەلىك كۋپيۋرالار، 16 دانا (28،1%)، ءۇشىنشى ورىندا – 5 مىڭ تەڭگەلىك كۋپيۋرالار، 11 دانا (19،3%). قالعان 14%-ى مونەتالارعا تيەسىلى.
سونىمەن قاتار، رەتتەۋشى الەۋمەتتىك جەلىلەر مەن مەسسەندجەرلەردە ناعىز بانكنوتتاردى يميتاسيالايتىن پوليگرافيالىق ونىمدەردى ساتىپ الۋ تۋرالى الاياقتىق حابارلاندىرۋلار تارالىپ جاتقانىن ەسكەرتەدى. مۇنداي جالعان اقشالاردا «بىرگە تويلايمىز» جانە «تولەم قۇرالى بولىپ تابىلمايدى» دەگەن جازۋلار بولادى. «وسىعان بايلانىستى بانكنوتتاردى پايدالانعان كەزدە جازۋلارعا ەرەكشە نازار اۋدارىپ، ولاردىڭ ءتولنۇسقالىلىعىن تەكسەرۋگە كەڭەس بەرەمىز»، – دەلىنگەن ۇلتتىق بانك حابارلاماسىندا.