وسكەمەندەگى ونەركاسىپتىك ارماتۋرا زاۋىتىنىڭ ديرەكتورى ەرجان ءاشىموۆ وتكەن جىلى 19،3 ملن تەڭگە سىياقى العانىن infohub.kz سايتى حابارلايدى.
بۇل سوما ونىڭ الدىڭعى جىلعى تابىسىنان (19،8 ملن تەڭگە) ءسال از. توپ-مەنەدجەردىڭ ورتاشا ايلىق تولەمى 1،6 ملن تەڭگەنى قۇراعان، بۇل وتكەن جىلدارداعى دەڭگەيگە سايكەس كەلەدى.
ايتا كەتەرلىگى، كاسىپورىننىڭ ءوزى 2025 جىلدى 522 ملن تەڭگە شىعىنمەن اياقتاسا، ءبىر جىل بۇرىن 1،9 ملرد تەڭگە پايدا تاپقان ەدى.
مۇناي جانە گاز قۇبىرلارىنا ارنالعان قۇبىر ارماتۋراسىن، سونداي-اق مۇناي جانە گاز كەن ورىندارىنا ارنالعان جابدىقتاردى شىعاراتىن زاۋىت ءداريعا نازارباەۆانىڭ تۋىسى سەرگەي چايجۋنۋسوۆتىڭ جۇبايى گۇلنارا چايجۋنۋسوۆاعا تيەسىلى.
كومپانيا اكسيالارىنىڭ 80 پايىزى گۇلنارا چايجۋنۋسوۆا باقىلايتىن «ميسار 2013» كومپانياسىندا. قالعان ۇلەستەر ۆالەنتينا سيم مەن دينارا ءاشىموۆا اراسىندا بولىنگەن — ءارقايسىسىندا 10 پايىزدان.
سەرگەي چايجۋنۋسوۆ سونىمەن قاتار ءتۇستى مەتاللۋرگيا كاسىپورىندارىن جوبالاۋ بويىنشا جەتەكشى كومپانيا «قازگيپروسۆەتمەتتىڭ» قۇرىلتايشىسى جانە ءبىرقاتار تاۋ-كەن ءوندىرۋ، ساۋدا جانە اۋىل شارۋاشىلىعى كاسىپورىندارىنىڭ يەسى.
ايتا كەتۋ كەرەك، 2018 جىلى ءداريعا نازارباەۆانىڭ قىزى ۆەنەرا سەرگەي چايجۋنۋسوۆتىڭ ءىنىسى دالەن چايجۋنۋسوۆقا تۇرمىسقا شىققان.