نەپالداعى جويقىن سۋ تاسقىنى كەمىندە 2،56 ميلليارد دوللار كولەمىندە زالال كەلتىردى، دەپ حابارلايدى infohub.kz سايتى.
نەپالدىڭ توتەنشە جاعدايلاردى باسقارۋ جانە تاۋەكەلدەردى ازايتۋ ۇلتتىق باسقارماسىنىڭ باسشىسى دحارما رادج ۋپرەتي شىعىن كولەمىن ايتتى. ونىڭ ايتۋىنشا، ستيحيا جىلجىمايتىن م ۇلىككە، تۇرعىن ۇيلەرگە جانە ينفراقۇرىلىمعا اتالعان سوماعا زاقىم كەلتىرگەن.
قالپىنا كەلتىرۋ جۇمىستارىنا العاشقى ءتورت ايدا شامامەن 52،6 ميلليون دوللار قاجەت بولادى. بۇل قاراجات جولداردى قالپىنا كەلتىرۋگە، ۋاقىتشا باسپانالار سالۋعا، سونداي-اق حالىقتى اۋىز سۋمەن جانە ەلەكتر قۋاتىمەن قامتاماسىز ەتۋگە جۇمسالادى.
سوڭعى دەرەكتەرگە سايكەس، قازا تاپقاندار سانى 1،2 مىڭنان استى.
ەسكە سالايىق، 26 تامىزدا جۇڭگو مەن نەپال اراسىنداعى شەكارا وتكەلى اۋدانىندا جەر كوشكىنى ءجۇرىپ، بۇل جول قوزعالىسىنا، بايلانىسقا جانە ەلەكترمەن جابدىقتاۋعا اسەر ەتتى.
قازاقستان سىرتقى ىستەر مينيسترلىگى نەپال مەن جۇڭگو شەكاراسىنداعى تابيعي اپات ايماعىندا ءۇش قازاقستاندىق ايەلدى ىزدەپ جاتقانىن حابارلادى. سونداي-اق، نەپالدا سۋ تاسقىنىنان قازا تاپقانداردىڭ ءاتى-جونى انىقتالماعان مايىتتەرىن ورتاق قابىرلەرگە كوپتەپ جەرلەي باستاعانى بەلگىلى بولدى.
تاياۋدا نەپال بيلىگى ەلدەگى جويقىن سۋ تاسقىنىنىڭ سەبەبىن اتادى.