نەپال مەن تيبەت شەكاراسىنداعى اپاتتى سۋ تاسقىنى سالدارىنان قازا تاپقاندار سانى 353 ادامعا جەتتى. تاعى 1،3 مىڭنان استام ادام حابار-وشارسىز كەتتى، دەپ حابارلايدى infohub.kz.
قۇتقارۋشىلار نەپال مەن جۇڭگو شەكاراسى بويىندا ىزدەۋ جۇمىستارىن جالعاستىرۋدا. گيمالايداعى مۇزدىقتىڭ بۇزىلۋىنان تابيعي اپات بولدى. سۋ مەن لاي اعىندارى بىرنەشە ەلدى مەكەنگە كەلتى، جولىنداعى عيماراتتاردى، كوپىرلەر مەن اۆتوموبيلدەردى شايىپ اكەتتى.
نەپالدا كەمىندە 162 ادام قازا تاپتى. بيلىك مالىمەتىنشە، 826 ادام حابار-وشارسىز كەتتى. سۋ تاسقىنى سالدارىنان ونداعان كوپىر قيراپ، شامامەن 40 شاقىرىم جول زاقىمداندى، بۇل قۇتقارۋ جۇمىستارىن ايتارلىقتاي قيىنداتتى. نەپال اسكەرى تىكۇشاقتاردىڭ كومەگىمەن 100-دەن استام ادامدى ەۆاكۋاسيالادى. زارداپ شەككەندەر مامانداندىرىلعان مەديسينالىق كومەك الۋ ءۇشىن كاتماندۋعا جەتكىزىلۋدە. كەمىندە ءۇش اۋىلدىڭ 1،2 مىڭعا جۋىق تۇرعىنى ۇيلەرىن تاستاپ كەتۋگە ءماجبۇر بولدى. قۇتقارۋشىلار تريشۋلي وزەنىنىڭ تومەنگى اعىسىنان قازا تاپقانداردىڭ دەنەلەرىن دە تاپتى.
قىتايدىڭ تيبەت اۆتونوميالىق اۋدانىندا لاي اعىنى سالدارىنان كەمىندە ءۇش ادام قازا تاۋىپ، تاعى 558 ادام حابار-وشارسىز كەتتى. اسىرەسە دجيرونگ شەكارا بەكەتىنىڭ اۋدانى قاتتى زارداپ شەكتى. قىتايدىڭ CCTV تەلەارناسىنىڭ مالىمەتىنشە، كەي جەرلەردە لاي قاباتىنىڭ قالىڭدىعى 1،5 مەتردەن استى. وتكىزۋ پۋنكتىنە اپاراتىن جولدار زاقىمدانعان. قحر مەملەكەتتىك كەڭەسىنىڭ پرەمەرى لي سيان قۇتقارۋ جۇمىستارىن ۇيلەستىرۋ ءۇشىن دجيرونگقا كەلدى. وپەراسياعا 500-گە جۋىق اسكەري قىزمەتكەر مەن اسكەريلەندىرىلگەن قۇرىلىمداردىڭ قىزمەتكەرلەرى تارتىلدى. جاڭبىردىڭ جالعاسۋىنا بايلانىستى بيلىك جاڭا كوشكىندەر مەن قايتالاما وپىرىلۋلاردان قاۋىپتەنۋدە.
بۇۇ توتەنشە جاعدايلارعا قارسى ءىس-قيمىلدىڭ ورتالىق قورىنان مەديسينالىق كومەك كورسەتۋ، ادامداردى سۋمەن جانە ۋاقىتشا باسپانامەن قامتاماسىز ەتۋ ءۇشىن 2 ميلليون دوللار ءبولدى.
حابار-وشارسىز كەتكەندەردىڭ اراسىندا شەتەلدىكتەر دە بار. نەپالدىڭ تۋريزم باسقارماسىنىڭ مالىمەتىنشە، حابار-وشارسىز كەتكەندەردىڭ اراسىندا 517 شەتەلدىك بار. ولاردىڭ ىشىندە ءۇندىستاننىڭ 178 ازاماتى، اقش-تىڭ 60-تان استام ازاماتى، سونداي-اق 30-دان استام ەلدىڭ تۋريستەرى مەن زياراتشىلارى بار. ءۇندىستاننىڭ سىرتقى ىستەر مينيسترلىگى ەلدىڭ 288 ازاماتى حابار-وشارسىز كەتكەنىن حابارلادى. جۇڭگو بيلىگى نەپالدا قحر-نىڭ 100-گە جۋىق ازاماتى دا حابار-وشارسىز كەتكەنىن مالىمدەدى. كەيبىر ادامدار يندۋيستەر مەن بۋدديستەر ءۇشىن قاسيەتتى كايلاس تاۋىنىڭ ماڭىندا بولۋى مۇمكىن دەپ بولجانۋدا.
الدىڭعى كۇنى قازاقستان پرەزيدەنتى قاسىم-جومارت توقايەۆ سيسزان اۆتونوميالىق اۋدانىنداعى قاتتى سەلدىڭ قايعىلى سالدارىنا بايلانىستى قحر ءتوراعاسى سي سزينپينگە كوڭىل ايتۋ جەدەلحاتىن جولدادى. بۇعان دەيىن «كۋرسيۆ» ق ر ءسىم نەپال مەن جۇڭگو شەكاراسىنداعى سۋ تاسقىنىنان كەيىن حابار-وشارسىز كەتكەن قازاقستاننان كەلگەن ءتۋريستى ىزدەپ جاتقانىن حابارلاعان بولاتىن.