يزرايل پرەمەر-مينيسترى بينيامين نەتانياحۋ دۋباي — تەل-اۆيۆ رەيسىن ورىنداعان ۇشاق بورتىندا ارىپتەسىنە شابۋىل جاساعان FlyDubai اۋەكومپانياسىنىڭ ۇشقىشى ۇستالىپ، ءقازىر ساۋد بيلىگى تەرگەپ جاتقانىن مالىمدەدى، دەپ حابارلايدى infohub.kz سايتى.
يزرايل ۇكىمەتى باسشىسىنىڭ مالىمدەمەسى ورىس ءتىلدى رەسمي Telegram-ارنادا جاريالاندى. «شابۋىل جاساعان ۇشقىش ۇستالىپ، ءقازىر ساۋد بيلىگى تەرگەپ جاتىر. جولاۋشىلاردىڭ ودان ءارى قاۋىپسىزدىگىن قامتاماسىز ەتىپ، ولاردىڭ امان-ەسەن ۇيلەرىنە ورالۋىن قامتاماسىز ەتۋ ءۇشىن ءتيىستى ورگاندارمەن ۇنەمى بايلانىستامىز»، — دەپ كەلتىرەدى نەتانياحۋدىڭ ءسوزىن NUR.KZ.
پرەمەر-مينيستر سونداي-اق ۇشاق بورتىنداعى جولاۋشىلاردىڭ بارلىعى دەرلىك يزرايل ازاماتتارى بولعانىن اتاپ ءوتتى. «ەرەكشە تاپقىرلىق پەن باتىلدىق تانىتقان قاھارماندارعا قۇرمەت كورسەتەمىن. ولار كوپتەگەن ادامنىڭ ءومىرىن ساقتاپ، اۋىر اپاتتىڭ الدىن الدى. قاۋىپسىزدىك قۇرىلىمدارىنا ىقتيمال قوسىمشا قاتەرلەرگە دايىندالۋدى تاپسىردىم»، — دەدى ول.
وقيعا FlyDubai اۋەكومپانياسىنىڭ اۋە كەمەسىنىڭ بورتىندا بولدى. ۇشاققا قاراي يزرايل اسكەري-اۋە كۇشتەرىنىڭ يسترەبيتەلدەرى كوتەرىلدى. كەيىن لاينەردىڭ ساۋد ارابياسىنا قونعانى بەلگىلى بولدى.
Flydubai اۋەكومپانياسى يزرايل تەلەديدارىنا دۋباي — تەل-اۆيۆ رەيسىندە ۇشقىشتار اراسىندا توبەلەس بولعانىن حابارلادى. كوپ ۇزاماي ۇشاق سالونىنان العاشقى فوتو مەن ۆيدەو پايدا بولدى: سۋرەتتە شابۋىلداۋشىمەن كۇرەسكەنى بولجامدالعان جولاۋشى بەينەلەنگەن.
بيلىك ۇشقىشتىڭ ءبىرى ۇشاقتى ادەيى قۇلاتپاق بولعان دەگەن نۇسقانى تەكسەرىپ جاتىر. ونىڭ ارەكەتىن ەكىنشى ۇشقىش پەن ونىمەن كۇرەسكە ءتۇسىپ، اپاتتىڭ الدىن العان يزرايلدىك جولاۋشىلار توقتاتتى دەپ بولجانادى.
ۇشقىشتاردىڭ ازاماتتىعىنا قاتىستى تاعى ءبىر نۇسقا دا ايتىلدى. رەسەي مەن ۋكراينا ازاماتتىعى تۋرالى نۇسقادان كەيىن ۇشقىشتاردىڭ ومان مەن بىرىككەن اراب امىرلىكتەرىنىڭ ازاماتتارى ەكەنى تۋرالى دەرەكتەر پايدا بولدى.
كەيىنىرەك ۇشقىشتىڭ ءبىرى شابۋىلدان كەيىن پىشاق جاراقاتىنان كوز جۇمۋى مۇمكىن ەكەنى تۋرالى اقپارات شىقتى. سونداي-اق ب ا ق ۇشاق باسقارۋىن قولعا العان رەسەي مەن ۋكراينانىڭ ەكى ۇشقىشى جولاۋشى رەتىندە ۇشقانىن انىقتادى.