يزرايل پرەمەر-مينيسترى بينيامين نەتانياحۋ يزرايل قورعانىس ارمياسىن (ساحال) سىناعان يزرايلدىكتەردى ازاماتتىقتان ايىرۋعا نيەتتى ەكەنىن مالىمدەدى، دەپ حابارلايدى infohub.kz سايتى.
ونىڭ ايتۋىنشا، جاقىن ارادا ەكى زاڭ جوباسى قاراۋعا ۇسىنىلادى. ءبىرىنشىسى يزرايل قورعانىس ارمياسىن سىناعانى ءۇشىن ازاماتتىقتان ايىرۋ مۇمكىندىگىن قاراستىرسا، ەكىنشىسى جالا جاپقانى ءۇشىن سوت تالاپ-ارىزى بويىنشا ءوندىرىپ الىناتىن سومانى ۇلعايتۋدى كوزدەيدى.
بۇل مالىمدەمە يزرايلدىك رەجيسسەرلەر يۋۆال ابراحام مەن راحەل شوردىڭ NAZA ءفيلمى 83ء-شى ۆەنەسيا حالىقارالىق كينوفەستيۆالىنىڭ ارنايى جيۋري جۇلدەسىن العاننان كەيىن جاسالدى. تۋىندىدا اۆتورلار پالەستينانىڭ راديكالدى حاماس قوزعالىسىنىڭ 2023 جىلعى 7 قازاندا يزرايلگە جاساعان اۋقىمدى شابۋىلىن كوتەرگەن. ءفيلمنىڭ اتاۋى ازاماتتىق تۇرعىندار اراسىنداعى جاناما شىعىندى بىلدىرەتىن يۆريت تەرمينىنەن شىققان.
نەتانياحۋ ابراحام مەن شوردى تىكەلەي اتاپ، ولاردى ازاماتتىقتان ايىرۋعا قاۋىپتەندى. «ولاردىڭ بۇل جەردە ورنى جوق»، — دەدى پرەمەر-مينيستر.
ول سونداي-اق يزرايلدىك اسكەريلەر مەن يزرايل مەملەكەتىنىڭ بەدەلىن شەتەلدە ءتۇسىرۋ ءۇشىن قىلمىستىق قۋدالاۋدى دەرەۋ باستاۋدى تاپسىردى.