كۋلتتىك «Stranger Things» سەريالىنىڭ ءبىرىنشى ماۋسىمىن ەندى VHS ستيلىندەگى پىشىمدە كورۋگە بولادى. Netflix پلاتفورماسى كۇتپەگەن جەردەن جانكۇيەرلەردى قۋانتىپ، 1980-جىلدارداعى بەينەكاسسەتادان كورۋ اسەرىن بەرەتىن نۇسقاسىن شىعاردى. بۇل تۋرالى infohub.kz حابارلايدى.
جاڭا نۇسقا ەسكى بەينەكاسسەتالاردىڭ بارلىق سيپاتتى بەلگىلەرىن الدى: 4:3 قاتىناسى، تۇيىرشىكتى كەسكىن، ازداپ ب ۇلىڭعىرلىق جانە انالوگتىق بەينە اسەرى. كادر pan-and-scan تەحنولوگياسىمەن قيىلعان، سوندىقتان سەريال ەسكى كينەسكوپتى تەلەديدارلارداعىداي كورىنەدى.
سەريالدىڭ جاساۋشىلارى داففەر اعايىندىلارىنىڭ ايتۋىنشا، ەگەر سەريال كاسسەتاسى ويدان شىعارىلعان حوكينس قالاسىنداعى Family Video بەينەپروكاتىنىڭ سورەسىندە تۇرسا، «Stranger Things» ءدال وسىلاي كورىنەتىن ەدى. ءتىپتى Netflixء-تىڭ فيرمالىق زاستاۆكاسى دا VHS داۋىرىنە بەيىمدەلگەن، ال ءتۇپنۇسقا دىبىس جولى ساقتالعان.
ەگەر ەكسپەريمەنت كورەرمەندەرگە ۇناسا، داففەر اعايىندىلارى سەريالدىڭ قالعان ماۋسىمدارى دا وسىنداي پىشىمدە شىعۋى مۇمكىن ەكەنىن جوققا شىعارمايدى. بۇعان دەيىن «Stranger Things» جاساۋشىلارى 20 جىلدان كەيىن وديننادسات كەيىپكەرىنىڭ تاعدىرىن اشاتىنى تۋرالى حابارلانعان بولاتىن.