Associated Press كۋاگەرى مەن جەرگىلىكتى باق-قا سىلتەمە جاساعان infohub.kz حابارلاۋىنشا، نيگەر استاناسى نيامەيدە تۇندە اتىس پەن جارىلىستار بولعان.
اتىس ءتۇن ورتاسىنان كەيىن ءىرى اسكەري بازا ورنالاسقان ديوري حاماني حالىقارالىق اۋەجايى ماڭىندا باستالعان. قاۋىپسىزدىك سەبەبىنەن اتىن اتاماۋدى وتىنگەن AP كۋاگەرىنىڭ ايتۋىنشا، بۇل اۋەجاي ماڭىنداعى وسىنداي وقيعا بيىل ءۇشىنشى رەت بولىپ وتىر.
جەرگىلىكتى ب ا ق پرەزيدەنت سارايى مەن نەگىزگى مەكەمەلەر ورنالاسقان پلاتو اكىمشىلىك اۋدانىندا دا اتىس بولعانىن حابارلادى.
بيلىكتەگى اسكەري كەڭەس — وتاندى قورعاۋ جونىندەگى ۇلتتىق كەڭەس اسكەردىڭ جۇمىلدىرىلعانىن مالىمدەدى. Facebook-تەگى جازباسىندا ولار: «ءبىزدىڭ قورعانىس جانە قاۋىپسىزدىك كۇشتەرىمىز وتاندى قورعاۋ ءۇشىن جۇمىلدىرىلدى. ءبىرتۇتاس، سەرگەك جانە قولداۋ كورسەتەتىن بولايىق»، — دەپ جازدى.
اتىس پەن جارىلىستاردىڭ سەبەبى ازىرگە بەلگىسىز، دەگەنمەن جەرگىلىكتى زاڭ شىعارۋشى مۇنى «جاۋىزدىق شابۋىل» دەپ اتادى. سوڭعى ايلاردا اۋەجاي ماڭىنا دجيحاديستەر ەكى رەت شابۋىل جاساعان بولاتىن، بۇل نيگەردىڭ قيىن جاعدايداعى اسكەري ۇكىمەتىنە قىسىمدى ارتتىرىپ وتىر.