بريتاندىق اكتەر نيكولاس حولت HBO جانە Max-تىڭ «گارري پوتتەر» سەريالىنىڭ ەكىنشى ماۋسىمىندا پروفەسسور زلاتوپۋست لوكونس ءرولىن سومدايتىن بولدى، دەپ حابارلايدى infohub.kz سايتى.
Entertainment Weeklyء-دىڭ جازۋىنشا، حولت قاراڭعى كۇشتەردەن قورعانۋ ءپانىنىڭ ماقتانشاق وقىتۋشىسىنىڭ ءرولىن ورىندايدى. ەكىنشى ماۋسىم «گارري پوتتەر جانە جۇمباق بولمە» كىتابىنىڭ ەكرانيزاسياسى بولادى. 2002 جىلعى ءتۇپنۇسقا فيلمدە بۇل كەيىپكەردى كەننەت برانا سومداعان ەدى.
ەكىنشى ماۋسىمنىڭ ءتۇسىرىلىمى كۇزگە جوسپارلانعان. ايتا كەتەيىك، حولت بالا كەزىندە ءتۇپنۇسقا فيلمدەردە گارري پوتتەر مەن دراكو مالفوي رولدەرىنە تىرىسقان، ءبىراق ساتتىلىك بولماعان. اكتەر DC كينوالەمىندەگى لەكس ليۋتور، « ۇلى» سەريالىنداعى پەتر III، سونداي-اق «اشۋلى ماكس: جول اشۋى»، «ءمازىر» جانە «يكس-ادامدار» فرانشيزاسىنداعى رولدەرىمەن تانىمال.
جاس سيقىرشى تۋرالى اۋقىمدى قايتا جانداندىرۋدىڭ ءبىرىنشى ماۋسىمىنىڭ تۇساۋكەسەرى جىل سوڭىنا جوسپارلانعان. سەريال اۆتورلارى كەلەسى ماۋسىمداردا حوگۆارتس وقىتۋشىلارىنىڭ رولدەرىنە ءىرى گولليۆۋد جۇلدىزدارىن تارتۋدى كوزدەپ وتىر.