Nissan كومپانياسى اقش نارىعىنا ارنالعان Altima (Teana) سەدانى مەن Rogue PHEV (X-Trail) گيبريدىنىڭ ءوندىرىسىن رەسمي تۇردە توقتاتاتىنىن راستادى. بۇل مودەلدەر كومپانيانىڭ نەگىزگى ايماقتاردىڭ بىرىندەگى پوزيسيالارىن قالپىنا كەلتىرۋگە كومەكتەسەتىن جاڭا كولىكتەرگە جول بەرەدى، دەپ حابارلايدى infohub.kz.
Nissan كومپانياسىنىڭ سولتۇستىك امەريكاداعى ونىمدەر جانە جوسپارلاۋ جونىندەگى اعا ۆيسە-پرەزيدەنتى پونس پانديكۋتحيرانىڭ ايتۋىنشا، كەيبىر نارىقتاردا Teana دەپ اتالاتىن Altima دەرلىك 30 جىلدىق كونۆەيەردەن كەيىن ساتىلىمنان جوعالادى. كومپانيا سەداندارعا سۇرانىس تومەندەي بەرەتىنىن جانە اقش-تاعى برەندتىڭ جالعىز جەڭىل ءاۆتوموبيلىنىڭ ءرولى Sentra-نىڭ جاڭا بۋىنىنا وتەتىنىن ەسەپتەيدى.
Nissan Altima امەريكاندىق قۇراستىرىلعان ەڭ قولجەتىمدى سەدانداردىڭ ءبىرى بولدى جانە باعاسى 28،8 مىڭ دوللاردان (شامامەن 13،5 ملن تەڭگە) باستالدى.
قايتا قۇرىلىمداۋدىڭ تاعى ءبىر قۇربانى Rogue PHEV بولدى — قازاقستاندىقتارعا تانىس X-Trailء-دىڭ سولتۇستىكامەريكاندىق نۇسقاسى. Mitsubishi Outlander PHEV بازاسىندا جاسالعان گيبريد Nissan ءوز تەحنولوگياسىن ازىرلەپ جاتقانعا دەيىن ۋاقىتشا شەشىم رەتىندە ويلاستىرىلعان ەدى.
2027 جىلى-اق Nissan Rogue جاڭا e-Power قۋات قوندىرعىسىن الادى، سوندىقتان PHEV نۇسقاسىنا قاجەتتىلىك جويىلدى.
ەكى مودەلدەن باس تارتۋ Nissan مودەلدىك قاتارىنداعى اۋقىمدى وزگەرىستەردىڭ بولىگى بولدى. بۇعان دەيىن كومپانيا Versa مەن Maxima شىعارۋدى توقتاتاتىنىن جاريالاپ، جاڭا ەلەكتروسەداندار جاساۋ جوسپارلارىنان باس تارتقان بولاتىن. بارلىعى ءوندىرۋشى ساتىلىمى تومەن 11 مودەلدى الىپ تاستاۋدى كوزدەپ وتىر. بوساتىلعان قۋاتتار ۇزاق كۇتكەن Xterra جول تالعامايتىن كولىگى قوسا العاندا، جاڭا اۆتوموبيلدەردى قۇراستىرۋعا جۇمسالادى. Xterra برەند قاتارىنا قايتا ورالۋى ءتيىس.
بۇعان دەيىن Nissan جانە Infinitiء-دىڭ ءتورت جاڭا مودەلى جىل سوڭىنا دەيىن قازاقستاندا شىعاتىنى حابارلانعان بولاتىن.