«نوبەل الماتى فارماسەۆتيكالىق فابريكاسى» كومپانياسىنىڭ باس ديرەكتورى سەلچۋك تانرىۆەردي 2025 جىلعا 93 ملن تەڭگە كولەمىندە سىياقى الدى. بۇل سوماعا جالاقى جانە باسقا دا تولەمدەر كىرەدى، دەپ حابارلايدى infohub.kz سايتى.
وتكەن جىلمەن سالىستىرعاندا سىياقى مولشەرى 17 پايىزعا وسكەن. باسشىنىڭ ورتاشا ايلىق تابىسى 7،75 ملن تەڭگەنى قۇرادى. تۇركيا ازاماتى سەلچۋك تانرىۆەردي 2006 جىلدان بەرى باس ديرەكتور قىزمەتىن اتقارىپ كەلەدى، سونىمەن قاتار تۇركياداعى Nobel كومپانياسىنىڭ باسقارما ءتوراعاسىنىڭ ورىنباسارى بولىپ تابىلادى.
قازاقستاندىق كاسىپورىننىڭ جىلدىق پايداسى 11 پايىزعا ارتىپ، 27،8 ملرد تەڭگەگە جەتتى. «نوبەل افف» 2002 جىلى الماتى فارماسەۆتيكالىق فابريكاسىنىڭ بازاسىندا قۇرىلعان. قازىرگى ۋاقىتتا كومپانيا نارىقتا 228 دارىلىك پرەپارات تۇرىندە ۇسىنىلعان 104 مولەكۋلانى وندىرەدى.
كاسىپورىن 1964 جىلى قۇرىلعان تۇرىك حولدينگى Nobel Pharmaceuticals قۇرامىنا كىرەدى. حولدينگ بەس زاۋىتتى باسقارادى: ۇشەۋى تۇركيادا، بىرەۋى قازاقستاندا جانە بىرەۋى وزبەكستاندا. قازاقستاندىق Nobel كومپانياسىنىڭ رەسمي قۇرىلتايشىسى — تۇركيا ازاماتى ۋلۋسوي حاسان ۋگۋر، وعان داۋىس بەرەتىن اكسيالاردىڭ 90 پايىزى تيەسىلى.
بۇعان دەيىن تۇرىك كومپانياسى Nobel قازاقستاندا قۇنى 40 ملرد تەڭگە بولاتىن جاڭا فارماسەۆتيكالىق زاۋىت سالۋ تۋرالى ينۆەستيسيالىق كەلىسىمگە قول قويعانى حابارلانعان بولاتىن.