17 شىلدەدە نورۆەگيادا ەكىنشى دۇنيەجۇزىلىك سوعىستان بەرگى ەڭ ءىرى ءورت بولىپ، 100-دەن استام تۇرعىن ءۇي قيرادى، دەپ حابارلايدى infohub.kz.
ءورت ەلدىڭ وڭتۇستىگىندەگى دراممەن مۋنيسيپاليتەتىندە، وسلودان 50 كم باتىستا شىقتى. وت كروكستادەلۆا ەلدى مەكەنىن شارپىپ، 100-دەن استام ءۇيدى قيراتىپ، جاقىن ماڭداعى ورمانعا اۋىستى. وقيعا ورنىندا 12 ءورت ءسوندىرۋ كولىگى جانە 2 تىكۇشاق جۇمىس ىستەپ جاتىر، تاعى 4 تىكۇشاق جولدا. 400-گە جۋىق ادام ەۆاكۋاسيالاندى، 10 ادام تۇتىننەن ۋلانىپ زارداپ شەكتى، ەكەۋى اۋرۋحاناعا جات قىزىلدى. سونداي-اق ءبىر پوليسەي جەڭىل جاراقات الدى.
ۆەستفولد فيۋلكەسىنىڭ كوممۋناارالىق ءورت ءسوندىرۋ قىزمەتى وتتى باقىلاۋعا الۋ مۇمكىن بولعانىن، الايدا تۇرعىن ۇيلەردە دە، ورماندا دا قالعان ءورت وشاقتارىنا بايلانىستى ءسوندىرۋ كۇنى بويى جالعاساتىنىن حابارلادى.