نورۆەگيانىڭ وڭتۇستىك-شىعىسىنداعى تۇرعىن اۋداندى شارپىعان ءىرى ءورت سالدارىنان 400-دەن استام ادام ەۆاكۋاسيالاندى، دەپ infohub.kz حابارلايدى.
ءورت 100-دەن استام ءۇيدى جويىپ، ءالى تولىق وقشاۋلانباعان، دەگەنمەن باسقا تۇرعىن ۇيلەرگە تارالۋ ءقاۋپى ايتارلىقتاي تومەندەگەن.
ءورت 18 شىلدە كۇنى تۇستەن كەيىن دراممەن قالاسىنىڭ كروكستادەلۆا اۋدانىنداعى تاۋنحاۋستاردىڭ بىرىندە باستالعان. قاتتى جەلدىڭ سالدارىنان الاۋ كورشى ۇيلەر مەن جاقىن ماڭداعى ورمان ماسسيۆىنە تەز تاراعان.
وڭتۇستىك-شىعىس وكرۋگى پوليسياسىنىڭ مالىمەتىنشە، ءورت ءالى دە باقىلاۋعا الىنباعان، الايدا تۇرعىن ۇيلەرگە ودان ءارى تارالۋ ءقاۋپى ايتارلىقتاي ازايعان. ورنىندا ءورت سوندىرۋشىلەر جۇمىسىن جالعاستىرىپ، تۇتىندەپ جاتقان وشاقتاردى سوندىرۋدە. سوڭعى تاۋلىكتە وپەراسياعا ون ءورت-قۇتقارۋ قىزمەتى مەن 17 ءورت ءسوندىرۋ بولىمىنەن 100-گە جۋىق ءورت ءسوندىرۋشى تارتىلدى. قازىرگى ۋاقىتتا ورنىندا 12 ءورت ءسوندىرۋ ەسەبى قالىپ، ولارعا قارۋلى كۇشتەر، ازاماتتىق قورعانىس بولىمشەلەرى مەن پوليسيا كومەكتەسۋدە.
نورۆەگيانىڭ ازاماتتىق قورعانىس باسقارماسى (DSB) ءورت سوندىرۋگە التى ءورت تىكۇشاعىن تارتتى، تاعى جەتەۋى ەلدىڭ وڭتۇستىگىندە رەزەرۆتە تۇر. اۋەدەن اپات ايماعىنا شامامەن 800 مىڭ ليتر سۋ توگىلدى.
DSB ديرەكتورى لارس ياكوب حييم بولعان وقيعانى نورۆەگيانىڭ قازىرگى تاريحىنداعى وسىنداي اۋقىمداعى ەڭ ءىرى ءورت دەپ اتادى. «باقىتىمىزعا وراي، ازىرگە قازا بولعاندار نەمەسە اۋىر جاراقات العاندار تۋرالى حابار جوق»، — دەدى ول. بيلىك مالىمەتىنشە، حابارسىز كەتكەندەر دە جوق. وقيعا سالدارىنان ازاماتتىق قورعانىس قىزمەتكەرىن قوسا العاندا، ەكى ادام تۇتىنمەن ۋلانىپ اۋرۋحاناعا جات قىزىلدى. ءبىر ءورت ءسوندىرۋشى جەڭىل جاراقات السا، سەگىز پوليسەي ءتۇتىن اسەرىنەن زارداپ شەكتى.
ءورت ءسوندىرۋ قىزمەتى وكىلدەرىنىڭ ايتۋىنشا، جاڭا تۇرعىن ۇيلەرگە تىكەلەي ءقاۋىپ جوق، الايدا ماڭايدا جەكەلەگەن ورمان ورتتەرى ءالى دە جالعاسۋدا. سەنبىگە قاراعان ءتۇنى نايزاعايدان كەيىن ءورت سوندىرۋشىلەر ۋاقىتشا كەيبىر ۋچاسكەلەردى تاستاۋعا ءماجبۇر بولدى. بيلىك كۇتىلەتىن قاتتى جاڭبىر ءورتتى تولىعىمەن باقىلاۋعا الۋعا كومەكتەسەدى دەپ ۇمىتتەنەدى.