رەسەيدىڭ ءنوۆوسىبىر قالاسىندا كامەلەتكە تولماعان قىز بالالار الاڭىندا ەكى بالاعا پىشاقپەن شابۋىل جاسادى دەپ كۇدىككە ءىلىندى، دەپ حابارلايدى infohub.kz سايتى.
رەسەيدىڭ ءىرى SHOT Telegram-ارناسى حابارلاعانداي، ءنوۆوسىبىردىڭ لەنين اۋدانىندا 10 جانە 4 جاستاعى ەكى بالاعا شابۋىل جاسالدى — ولار بالالار الاڭىندا سەرۋەندەپ جۇرگەندە پىشاق جاراقاتىن الدى.
وقيعاعا 12 جاسار قىز كۇدىكتى. ول بۇعان دەيىن اجەسىنە پىشاقپەن شابۋىل جاساعانى ءۇشىن شامامەن 6 اي ءماجبۇرلى ەمدەۋدە بولعان.
Mash دەرەگىنشە، بالالار اراسىندا جانجال تۋىنداعان بولۋى مۇمكىن. ءقازىر زارداپ شەككەندەر اۋرۋحانادا، بىرەۋى ءىش قۋىسىنىڭ تەسىلگەن جاراقاتىمەن جانساقتاۋ بولىمىندە جاتىر.
ريا نوۆوستي باسىلىمىنا ءنوۆوسىبىر وبلىسى بويىنشا باس پوليسيا باسقارماسى وقيعا تۋرالى اقپاراتتى راستادى. پوليسەيلەر نوۆوسىبىردەگى وقيعانىڭ ءمان-جايىن انىقتاپ جاتىر.
«الدىن الا انىقتالعانداي، 12 جاسار قىزدىڭ ارەكەتىنەن 2015 جانە 2022 جىلى تۋعان كامەلەتكە تولماعاندار زارداپ شەكتى. كامەلەتكە تولماعان قىز زاڭدى وكىلدەرىنىڭ ەرىپ جۇرۋىمەن تەرگەۋ ءۇشىن پوليسيا بولىمىنە جەتكىزىلدى»، — دەلىنگەن حابارلامادا.