نازاربايەۆ ۋنيۆەرسيتەتىنىڭ تۇلەكتەرىنىڭ بارلىعى دەرلىك قازاقستاندا قالىپ، جۇمىس ىستەۋدە. ولاردىڭ كەيبىرى تابىستى مانساپ قۇرىپ قانا قويماي، ءوز كومپانيالارىن اشىپ، جۇزدەگەن ادامدى جۇمىسپەن قامتىپ وتىر. بۇل تۋرالى infohub.kz سايتى حابارلايدى.
NU تۇلەكتەرىنىڭ شامامەن 98 پايىزى قازاقستان ەكونوميكاسىنىڭ ءارتۇرلى سالالارىندا ءبىلىمىن قولدانۋدا – ولاردىڭ اراسىندا دارىگەرلەر، مۇعالىمدەر، ينجەنەرلەر، قارجىگەرلەر جانە ساياساتتانۋشىلار بار. سونىمەن قاتار، ۋنيۆەرسيتەت بىلىكتى ماماندارمەن قاتار، ەكونوميكانىڭ دامۋىنا تىكەلەي ىقپال ەتەتىن كاسىپكەرلەردى دە دايىندايدى.
مىنە، ءوز جوبالارىن اشقان NU تۇلەكتەرىنىڭ بەس مىسالى.
ايان بيريمجان سالاۋاتتى تاماقتانۋ جەلىسى Health Projectء-تى قۇرىپ، قازاقستاندا Drinkit كومپانياسىنىڭ فرانچايزي-سەرىكتەسى اتاندى. بۇگىندە ونىڭ كومپانيالارى 200-دەن استام ادامدى جۇمىسپەن قامتىپ وتىر.
اليشەر شاريازدانوۆ – قازاقستانداعى ەڭ جاس دوللارلىق ميلليونەر. ول 1،3 ملرد دوللارعا باعالانعان Higgsfield AI ستارتاپىندا Founding Growth Manager بولىپ جۇمىس ىستەيدى. بۇل ستارتاپ قازاقستانداعى العاشقى «ەدينوروگ» اتاندى. كومپانيا كومانداسىنىڭ شامامەن 90 پايىزى – NU تۇلەكتەرى. Stripe دەرەگىنشە، Higgsfield AI كومپانياسىنىڭ ايلىق كىرىسى شامامەن 80 پايىزعا وسۋدە، بۇل OpenAI كورسەتكىشىنەن ءۇش ەسە جوعارى.
ماۋلەن احمەتوۆ سەگىز جىل بۇرىن NU كامپۋسىندا ينكليۋزيۆتى Kunde كوفەحاناسىن اشىپ، مۇمكىندىگى شەكتەۋلى ادامداردى جۇمىسقا ورنالاستىردى. 2025 جىلى الماتىدا ەكىنشى كوفەحانا اشىلدى، ونى ىسكە قوسۋ ءۇشىن ەكى كۇندە 8 ملن تەڭگە قايىرىمدىلىق جينالدى. بۇل جوبا قازاقستانداعى ەڭ تانىمال الەۋمەتتىك كاسىپورىنداردىڭ بىرىنە اينالدى.
لاۋرا ۆايگوروۆا مەكتەپ وقۋشىلارىنا الەمنىڭ ۇزدىك جوعارى وقۋ ورىندارىنا تۇسۋگە كومەكتەسەتىن SmartestPrep (STP) ءبىلىم بەرۋ پلاتفورماسىن قۇردى. 2021 جىلى ستارتاپ سينگاپۋرلىق Quest Ventures قورىنان 50 000 دوللار تارتتى، ال 2025 جىلى ستەنفورد ۋنيۆەرسيتەتى جانىنداعى StartX اكسەلەراتورىنا ەندى. لاۋرا سونىمەن قاتار Forbes Kazakhstan باسىلىمىنىڭ كولۋمنيسى.
ەركەبۋلان ساپاروۆ ءونىم مەنەدجمەنتى، دەرەكتەردى تالداۋ جانە جاساندى ينتەللەكت بويىنشا ماماندار دايارلاۋعا ارنالعان Product Masters پلاتفورماسىن قۇردى. جوبا IT ماماندارى تاپشىلىعىن ازايتىپ، دارىندىلاردىڭ شەتەلگە كەتۋىن تەجەۋگە كومەكتەسەدى.