مۋزىكا 4 سىنىپ

ساباقتىڭ تاقىرىبى: نۇكتەلى نوتا.
«وتانىم - قازاقستان» ءانىن ۇيرەنۋ.
ساباقتىڭ ماقساتى:
1. نوتا ۇزاقتىعى تۋرالى بىلىمدەرىن كەڭەيتۋ.
2. انگە دەگەن سۇيىسپەنشىلىگىن ارتتىرۋ، ءان ايتۋ داعدىلارىن دامىتۋ.
3. وتاندى سۇيۋگە، تۋعان جەردى ايالاۋعا، قورعاۋعا تاربيەلەۋ.
ساباقتىڭ مىندەتى: مۋزىكالىق تاربيە بەرۋدىڭ باستى مىندەتى – وقۋشىلارعا مۋزىكانى دۇرىس تىڭداتىپ، ونى تۇسىنۋگە جانە اسەرلى ورىنداي بىلۋگە باۋلۋ.
ساباقتىڭ ءتۇرى: جاڭا ساباق، سۇراق - جاۋاپ، جاڭىلتپاشتار.

ساباقتىڭ بارىسى:
ءى. ۇيىمداستىرۋ كەزەڭ
ءىى. جاڭا تاقىرىپ
ءىىى. شىعارماشىلىق جۇمىس.
ءىV. جاڭا ءان ۇيرەنۋ.
V. قورىتىندى.
VI. باعالاۋ.
VII. ۇيگە تاپسىرما

جاڭا ساباق: مۋزىكادا دىبىستاردىڭ ۇزاقتىقتارى ءارتۇرلى بولادى. ءبىرى سوزىلىپ، ۇزاق ايتىلسا، ءبىرى قىسقا ايتىلادى. دىبىستاردىڭ سوزىلۋىنىڭ ءارتۇرلى بولىپ كەلۋىن نوتالاردىڭ ۇزاقتىلىعى دەيمىز.
3 - سىنىپتا وتكەن نوتالاردى، ونىڭ ۇزاقتىقتارىن ەسكە تۇسىرەيىك
(نوتالاردى ەسكە ءتۇسىرۋ).
ەندى وسى نوتالاردىڭ قاسىنا نۇكتە قويىلادى. مۇنداي نوتالار – نۇكتەلى نوتا دەپ اتالادى.
نوتالاردىڭ وڭ جاعىندا نۇكتە تۇرسا، سول نوتالاردىڭ ۇزاقتىعىنىڭ تەڭ جارتىسىنداي ۇزاقتىق قوسىلادى. (ينتەراكتيۆتى تاقتا ارقىلى نۇكتەلى نوتالارمەن تانىستىرۋ)
شىعارماشىلىق جۇمىس: بەرىلگەن سۋرەت بويىنشا شاعىن اڭگىمە ۇيىمداستىرۋ. قازاق جەرىنىڭ اسەم تابيعاتى، بيىك تاۋلارى، جاسىل جايلاۋى، ءتورت ت ۇلىك مالى، قازاقتىڭ كيىز ءۇيى – وسىنىڭ ءبارى ءبىز ۇيرەنەتىن «وتانىم - قازاقستان» انىندە جىرلانادى.
ءان ۇيرەنۋ: «وتانىم - قازاقستان» ءانى – كەڭ تىنىستى، جايدارى، كوڭىلدى، اشىق تەمبردە ورىندالادى.
ءان ورىنداعاندا اشىق داۋىستى دىبىستارعا ەرەجەگە ساي، جابىڭقى، اقىرىن، ايقايلاماي ورىندالۋىنا كوڭىل ءبولۋ كەرەك. ماتىندەگى ماعىنالى سوزدەر مەن ەكپىن تۇسەتىن بۋىنداردى، اسەرلى ورىنداۋعا، ءان ايتۋ ەرەجەلەرىن ساقتاۋعا داعدىلاندىرۋ كەرەك.
سەرگىتۋ جۇمىسى
جۇمباق
بەس جولمەنەن جۇرەدى.
بار اۋەندى بىلەدى.
تەمىر ءتىلدى.
كۇمىس ءۇندى.
مەن “سول”- مىن، تۇز دەمە
تومەننەن دە ىزدەمە.
(نوتا)

جاڭىلتپاشتار: بالالار جاڭىلتپاشتار ايتىپ جارىسادى.

قورىتىندى سۇراقتار:
1. نۇكتەلى نوتا دەگەن نە؟
2. نۇكتە نوتانىڭ قاي جاعىنا قويىلادى؟
3.«وتانىم - قازاقستان» ءانىنىڭ ماعىناسى قانداي؟
وقۋشىلاردى باعالاۋ.
ۇيگە تاپسىرما:
1. ەلىمىز، جەرىمىز تۋرالى شاعىن شىعارما جازۋ.
2.«وتانىم - قازاقستان» ءانىن جاتتاۋ.