ايانحان وماروۆ Threads الەۋمەتتىك جەلىسىندە شىمكەنتتەگى نۇراي سەرىكبايدىڭ ءولىمى ءىسى بويىنشا العاشقى سوت وتىرىسىنىڭ كۇنىن جاريالادى. بۇل تۋرالى infohub.kz سايتى حابارلايدى.
زاڭگەردىڭ ايتۋىنشا، الدىن الا تىڭداۋ 21 شىلدە كۇنى ساعات 10:00-دە شىمكەنتتىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وتەدى. تىڭداۋ بارىسىندا سوت ءىستى ءمانى بويىنشا قاراۋعا تاعايىنداۋ، دالەلدەمەلەردى زەرتتەۋ ءتارتىبىن انىقتاۋ، سونداي-اق القابيلەردىڭ قاتىسۋ مۇمكىندىگىن قاراستىرادى.
ەسكە سالا كەتەيىك، قىلمىس 11 قاڭتار كۇنى كەشكە شىمكەنتتە تولەمەتوۆ پەن وتەگەنوۆ كوشەلەرىنىڭ قيىلىسىنداعى جاياۋ جۇرگىنشىلەر وتكەلىندە بەينەجازباعا ءتۇسىپ قالعان. كادرلاردان قىزدىڭ قاشۋعا تىرىسقانى، سودان كەيىن قارسىلىق كورسەتكەنى، ال جىگىتتىڭ ونى ۇرىپ-سوعىپ، پىشاقتاپ، سودان كەيىن قاشىپ كەتكەنى كورىنەدى.
پوليسيا قىلمىستىق ءىس قوزعادى، كۇدىككە مارقۇمنىڭ تانىسى ىلىكتى. كۇدىكتى شىمكەنتتەن 10 كم قاشىقتىقتا اشىق جەردە ۇستالدى. مارقۇمنىڭ تۋىستارى ونىڭ ستالكەر بولعانىن ايتتى. ساۋىردە كۇدىكتى ماجبۇرلەپ ەمدەۋگە مامانداندىرىلعان مەكەمەگە جىبەرىلدى، الايدا ساراپتاما ونى ەسى دۇرىس دەپ تانىدى. مامىر ايىنىڭ سوڭىندا ول تالعارداعى مەديسينالىق ورتالىقتان شىمكەنتكە قايتا اۋىستىرىلدى. ءبىر اي بۇرىن بۇل ءىستىڭ تەرگەۋى اياقتالعانى حابارلانعان.