سوتتار نۇربول نازارباەۆقا قاتىستى ەكى قاراما-قايشى شەشىمدى ءبىر ۋاقىتتا قابىلدادى: ونىڭ مۇلكى مەن شوتتارىنان 15،1 ملرد تەڭگەلىك تالاپ بويىنشا قاماۋ الىندى، ءبىراق مەملەكەت الدىنداعى شامامەن 56 ملرد تەڭگە قارىز بويىنشا تولەم قابىلەتتىلىگىن قالپىنا كەلتىرۋ راسىمىنەن تۇپكىلىكتى باس تارتىلدى، دەپ حابارلايدى infohub.kz.
ءبىر قاراعاندا، بۇل شەشىمدەر بىر-بىرىنە قايشى كەلەدى، الايدا بۇل ەكى ءتۇرلى پاراللەلدى پروسەسس تۋرالى.
2026 جىلعى قاڭتاردا قاراساي اۋداندىق سوتى «التىن وردا» بازارىنىڭ بۇرىنعى بىرلەسكەن يەسى ايداربەك حۇسايىنوۆتىڭ تالابى بويىنشا نۇربول نازارباەۆتىڭ مۇلكى مەن شوتتارىنا قاماۋ سالدى. حۇسايىنوۆ شامامەن 15،1 ملرد تەڭگەنى نەگىزسىز بايۋ رەتىندە ءوندىرۋدى تالاپ ەتكەن بولاتىن. الايدا حۇسايىنوۆ تالاپتى قاراۋسىز قالدىرۋدى سۇرادى، ال 19 ماۋسىمدا نازارباەۆتىڭ وكىلى قامتاماسىز ەتۋ شارالارىنىڭ كۇشىن جويۋعا قول جەتكىزدى. 20 قاڭتاردا سالىنعان قاماۋ تولىعىمەن الىنىپ تاستالدى. داۋ تالاپتاردىڭ نەگىزدىلىگى تۋرالى باستى سۇراققا جاۋاپسىز اياقتالدى. بۇل رەتتە كۇندەردە سايكەسسىزدىك بار: بۇرىن ءوتىنىش 8 ساۋىردە قاناعاتتاندىرىلدى دەپ حابارلانسا، جاڭا انىقتامادا — 14 مامىر.
ەكىنشى ءىس 2025 جىلعى قىركۇيەكتە باستالدى. اكتيۆتەردى قايتارۋ كوميتەتى نازارباەۆتان 106،75 ملن دوللار (شامامەن 57 ملرد تەڭگە)، سونداي-اق ايىپپۇلدار مەن ءوسىمپۇلدار ءوندىردى. سوت بارلىق شوتتارعا قاماۋ سالىپ، م ۇلىك پەن كومپانيالاردىڭ كىرىستەرىنە بيلىك ەتۋگە تىيىم سالدى. نازاربايەۆ تولەم قابىلەتتىلىگىن قالپىنا كەلتىرۋ ءراسىمىن باستاۋعا تىرىسىپ، مەملەكەت الدىنداعى قارىزىن 55 ملرد 879 ملن تەڭگە، ءوسىمپ ۇلىن 352 ملن تەڭگە، مەملەكەتتىك باج سالىعىن 1،686 ملرد تەڭگە جانە «اكتوبە» كومپانياسىنىڭ قارىزىن 19،4 ملن تەڭگە — بارلىعى شامامەن 57،9 ملرد تەڭگە دەپ كورسەتتى. ول وزىندە قىمبات اكتيۆتەر قالعانىن جانە سەرىكتەستەر قارىزدىڭ ءبىر بولىگىن وتەۋگە دايىن ەكەنىن مالىمدەدى. الايدا اكتيۆتەردى قايتارۋ قىزمەتى نازارباەۆتىڭ بانكروتتىقتى تولەمدەردى سوزۋ ءۇشىن پايدالانىپ وتىرعانىن انىقتادى.
سوت ماتەريالداردا تابىس، ديۆيدەند، سالىم، ساقتاندىرۋ تولەمدەرى جانە جالعا بەرۋ تۋرالى اقپارات جوق ەكەنىن، ال اكتيۆتەردىڭ ەداۋىر بولىگى كوممەرسيالىق جىلجىمايتىن م ۇلىك ەكەنىن اتاپ ءوتتى. قارجىلىق باسقارۋشىنىڭ قورىتىندىسى ءبىرجاقتى دەپ تانىلدى. سوت تولەم قابىلەتسىزدىگىن دالەلدەيتىن دەرەكتەر جەتكىلىكسىز دەپ شەشىپ، قالپىنا كەلتىرۋدەن باس تارتتى. اپەللياسيا قاناعاتتاندىرىلماي قالدى، شەشىم زاڭدى كۇشىنە ەندى.