استاناداعى «نۇرلى جول» ۆوكزالىنىڭ ءۇشىنشى قاباتىندا توبەنىڭ ءبىر بولىگى قۇلادى، دەپ حابارلايدى infohub.kz سايتى.
Syrmedia.kz ينتەرنەت-باسىلىمى وقيعا تۋرالى ۆيدەو جاريالادى. كادرلاردا توبەنىڭ ءبىر بولىگى ۆوكزالدىڭ پانورامالىق تەرەزەلەرىنىڭ ءبىرىنىڭ جانىندا ەدەندە جاتقانى كورسەتىلگەن.
ءتىلشى «قازاقستان تەمىر جولى» ۇك» اق ءباسپاسوز قىزمەتىنە جۇگىندى. وندا كەشە ساعات 19:45-تە «نۇرلى-جول» ۆوكزال كەشەنىنىڭ ءۇشىنشى قاباتىندا توبەنىڭ ءبىر بولىگى قۇلاعانى راستالدى.
«ۆوكزال كەشەنىنىڭ قىزمەتكەرلەرى زاقىمدالعان جەردى تەكسەرىپ، نوسەر كارىزى جۇيەسىنىڭ قۇبىر جالعاۋلارىنىڭ زاقىمدانعانىن انىقتادى. قازىرگى ۋاقىتتا تىگىستەردى گەرمەتيزاسيالاۋ جانە نوسەر كارىزى جۇيەسىنىڭ قۇبىر جالعاۋلارىن قالپىنا كەلتىرۋ جۇمىستارى جۇرگىزىلدى. جوندەۋ جۇمىستارىنان كەيىن زاقىمدالعان ايماق تازارتىلىپ، جۋىلىپ، بوگدە زاتتار الىنىپ تاستالدى»، — دەلىنگەن ءباسپاسوز قىزمەتىنىڭ حابارلاماسىندا.