قازاقستاننىڭ ەكس-پرەزيدەنتى نۇرسۇلتان نازارباەۆتىڭ ءباسپاسوز حاتشىسى ايدوس ۇكىباي، تۇڭعىش پرەزيدەنتتىڭ قازىرگى ساياسي جاعدايلارعا ارالاسپايتىنىن ناقتىلادى. بۇل تۋرالى ول "ازاتتىق" راديوسىنىڭ تىلشىسىنە بەرگەن سۇحباتىندا ايتتى.
بۇل تۋرالى Infohub.kz اقپارات اگەنتتىگى حابارلايدى.
ايدوس ۇكىبايدىڭ ايتۋىنشا، نۇرسۇلتان نازاربايەۆ ءوزى نەگىزىن قالاعان «امانات» پارتياسىنىڭ مۇشەسى ەمەس جانە پارتيا اينالاسىنداعى سوڭعى وزگەرىستەرگە قاتىسى جوق. «نۇرسۇلتان ءابىش ۇلىنىڭ پارتياعا قانداي قاتىسى بار؟ ول كىسى پرەزيدەنتتىك وكىلەتىن 2019 جىلى توقتاتقان»، - دەپ اتاپ ءوتتى ءباسپاسوز حاتشىسى.
وسىلايشا، زەينەتتەگى ەكس-پرەزيدەنتتىڭ ساياساتپەن اينالىسپايتىنى رەسمي تۇردە راستالدى. نازاربايەۆ قازاقستاندى شامامەن 30 جىل باسقارعان. 2019 جىلى پرەزيدەنتتىكتەن كەتكەنىمەن، 2022 جىلعى قاڭتار وقيعاسىنا دەيىن قاۋىپسىزدىك كەڭەسىنىڭ ءتوراعاسى جانە «نۇر وتان» (قازىرگى «امانات») پارتياسىنىڭ باسشىسى قىزمەتتەرىن اتقارعان بولاتىن.
سوڭعى كەزدەرى «امانات» پارتياسى توڭىرەگىندەگى ساياسي وزگەرىستەر قوعامدا قىزۋ تالقىلانىپ، نازارباەۆتىڭ بۇل پروسەسكە قاتىسى بار-جوعى تۋرالى سۇراقتار تۋىنداعان ەدى.