جەلىدە نۇرسۇلتان نازارباەۆتىڭ جۇرەگىنە تاعى دا وپەراسيا جاسالدى دەگەن قاۋەسەت تارادى. الايدا، استاناداعى University Medical Center (UMC) بۇل اقپاراتتى جوققا شىعارىپ، رەسمي تۇسىنىكتەمە بەردى.
بۇل تۋرالى Infohub.kz اقپارات اگەنتتىگى حابارلايدى.
ەسكى اقپارات جاڭالىق بولىپ تاراۋدا
UMC ءباسپاسوز قىزمەتىنىڭ مالىمەتىنشە، كارديوحيرۋرگ يۋري پيا جاساعان وپەراسيا تۋرالى جاريالانىمدار ەسكى دەرەكتەرگە نەگىزدەلگەن. مەديسينالىق ورتالىق قوعامدى جاڭىلىستىرماۋ ءۇشىن تەكسەرىلمەگەن مالىمەتتەردى تاراتپاۋدى سۇرادى.
نازارباەۆتىڭ دەنساۋلىعى تۋرالى سوڭعى رەسمي مالىمەت
بۇعان دەيىن كەيبىر ب ا ق قازاقستاننىڭ تۇڭعىش پرەزيدەنتى اۋرۋحاناعا جات قىزىلىپ، جۇرەگىنە وپەراسيا جاسالدى دەپ جازعان بولاتىن. ءبىرقاتار جاريالانىمدا وپەراسيانىڭ ءبىر جىل بۇرىن جوسپارلانعانى، ءبىراق ەكس-پرەزيدەنتتىڭ جۇمىس كەستەسىنە بايلانىستى كەيىنگە قالدىرىلعانى ايتىلعان ەدى.
الايدا، UMC بۇل مالىمەتتەردىڭ جاڭا ەمەس ەكەنىن ناقتىلادى. نازارباەۆقا جاسالعان وپەراسيا تۋرالى سوڭعى رەسمي حابارلاما 2023 جىلى جاريالانعان. سول كەزدە حيرۋرگيالىق ارالاسۋدى ۇلتتىق عىلىمي كارديوحيرۋرگيا ورتالىعىندا بەلگىلى كارديوحيرۋرگ يۋري پيا جاساعانى حابارلانعان بولاتىن.
نۇرسۇلتان نازاربايەۆ بيىل 86 جاسقا تولادى.