نيۋ-يورك مەرى زوحران مامداني The New York Times گازەتىنە بەرگەن سۇحباتىندا، ەگەر يزرايل پرەمەر-مينيسترى بينيامين نەتانياحۋ قالاعا كەلسە، ونى ۇستاۋدىڭ قۇقىقتىق نەگىزدەرىن زەرتتەپ جاتقانىن ايتتى، دەپ حابارلايدى infohub.kz.
قالا باسشىسى بۇل ءۇشىن ارنايى زاڭ شىعارمايتىنىن، كەرىسىنشە قۇقىقتىق ايادا ارەكەت ەتەتىنىن اتاپ ءوتتى. «نيۋ-يورك قالاسىنداعى زاڭ ماعان نە رۇقسات ەتسە، سونىڭ ءبارىن جاسايمىز، ءبىراق سول ماقساتتا ءوز زاڭدارىمىزدى جازبايمىز... زاڭ دەپارتامەنتىمىزبەن بەلسەندى تالقىلاۋ ءجۇرىپ جاتىر»، — دەدى ول. ول يزرايلدىك پرەمەردىڭ نيۋ-يورككە بۇۇ باس اسسامبلەياسىنا كەلۋى جاعدايىندا ۇستالۋ مۇمكىندىگىن ايتتى.
مامداني سونداي-اق نەتانياحۋعا قاتىستى حالىقارالىق قىلمىستىق سوت (حقس) تاراپىنان قويىلعان اسكەري قىلمىس ايىپتارىنا سىلتەمە جاسادى. سايلاۋالدى ناۋقان كەزىندە ساياساتكەر، ەگەر سايلانسا، نەتانياحۋ قالاعا كەلگەن جاعدايدا نيۋ-يورك پوليسيا باسقارماسىنا ونى قاماۋعا الۋ تۋرالى بۇيرىق بەرەتىنىن مالىمدەگەن بولاتىن.