ءو دىبىسى مەن ءارپى

ساباقتىڭ تاقىرىبى: ءو دىبىسى مەن ءارپى
ساباقتىڭ ماقساتى: ءو ءارپىن تانىتۋ. ءو دىبىسىن ءسوز ىشىندە اجىراتا بىلۋگە ۇيرەتۋ. ءسوزدىڭ دىبىستىق مادەنيەتىن قالىپتاستىرۋعا بايلانىستى تاقپاق، جۇمباق، اڭگىمە پايدالانۋ.

كەرەكتى قۇرالدار: سۋرەتتەر، كەسپە ارىپتەر، تەكشەلەر، سىزبالار.
ءادىسى: سوزدىك، كورنەكىلىك، پراكتيكالىق ادىستەر.
ساباق بارىسى:
1. ۇيىمداستىرۋ كەزەڭى.
2. وتكەن ساباقتى پىسىقتاۋ.
- قىس تۋرالى كىم تاقپاق بىلەدى؟ وتكەن ساباقتا قانداي تانىسقانىمىزدى جۇمباق شەشۋ ارقىلى ەسكە ءتۇسىرۋ.
قىستا عانا بولادى،
ۇستاساڭ جوق بولادى. (قار)
- قار دەگەن ءسوزدىڭ باس ءارپى قالاي اتالادى ەكەن؟ («ق» دىبىسى).
- ەندى ق دىبىسى داۋىستى ما، الدە داۋىسسىز با؟
- قار دەگەن سوزدە نەشە دىبىس ؟ ديالوگپەن سويلەۋ. سۇراق-جاۋاپ.
- مالدىڭ جاۋى قانداي اڭ؟ (قاسقىر)
- سۋدا جۇزەتىن قاي قۇستىڭ اتى ق-دان باستالادى؟ (قاز)
- ادام سۋدا قانداي كولىكتى پايدالانادى؟ (قايىق) قۇرامىندا ق دىبىسى مەن ءارپى بار قانداي قۇستاردى بىلەسىڭدەر؟ (اققۋ، قارعا، قارلىعاش، قۇر، ساۋىسقان)
- بۇگىنگى جاڭا ساباقتىڭ تاقىرىبىن مىنا جۇمباقتى شەشىپ، سونىڭ ءبىرىنشى دىبىسىن اتاساڭدار، سوندا تاباسىڭدار.
توقىعانى اۋ
شىبىننىڭ جاۋى. (ورمەكشى)
ورمەكشى ءسوزىنىڭ ءبىرىنشى دىبىسى - ءو دىبىسى ەكەن.
- بالالار، بۇگىنگى جاڭا ساباق تاقىرىبى ءو دىبىسى.
- ءو دىبىسى داۋىستى، قىزىل بەلگىمەن بەلگىلەيمىز. ەندى مىنا سۋرەتكە نازار اۋدارايىق.
بورىك، ورىك كوز ورنەك.
سوزدەرگە تالداۋ جاساۋ.
بوي سەرگىتۋ جاتتىعۋى.
ويىن. «ءسوز ويلا، تەز ويلا»
تاربيەشى: مەن سەندەرگە اڭگىمە ايتىپ بەرەيىن. ءبىر وركەن دەگەن بالانىڭ ءبىر ق ۇلىنشاعى، ءبىر بۇزاۋى، ءبىر بوتاسى، ءبىر لاعى بولىپتى. ولار قورا ىشىندە ويناقتاپ جۇرسە، جالىنىشتى ماڭىراعان داۋىس شىعادى. ءبارى شىعىپ قاراسا، ءبىر كىشكەنە قوزى ەنەسىنەن اداسىپ، ماڭىراپ ءجۇر ەكەن. تولدەر ونى وزدەرىمەن ويناۋعا شاقىرادى. ءسويتىپ، وركەننىڭ قانشا ءتولى بولدى؟
بالالار: بەس ءتولى بولدى
تاربيەشى: وركەننىڭ ءبىر ق ۇلىنى، ءبىر بوتاسى، ءبىر لاع، ءبىر قوزىسى، ءبىر بۇزاۋى بولدى. سونىمەن بەس سانى نەشە بىرلىكتەن قۇرالادى؟
ويىن. «ارىپتەر ىشىندە اداسقان ساندار».
جۇمباق: قىسى جازى، ءبىر تۇستە. (شىرشا)
ويىن: «ويلان تاپ».
- بالالار، قار جاۋعان كەزدە ءبىز قاردان نە جاسايمىز؟ (اققالا)
- ەندەشە الدارىنداعى اققالانىڭ قيىلعان بولىكتەرىن قۇراستىرىپ، كىمدە قانداي ءسوز جازىلعان ەكەن، تاۋىپ كورەلىك.
جۇمباق شەشۋ. (اياز، قار، مۇز).
- بۇگىن قانداي دىبىسپەن تانىستىق؟
- ول قانداي دىبىس؟ ءو دىبىسىن قانداي تەكشەمەن بەلگىلەيمىز؟
ساباقتى قورىتىپ، جاقسى قاتىسقان بالالاردى ماقتاۋ.