رەپەر دجيگاننىڭ بۇرىنعى جۇبايى وكسانا سامويلوۆا ماسكەۋدىڭ ساۆەلوۆسكي اۋداندىق سوتىنا ءانشىنىڭ اتا-انالىق قۇقىعىن شەكتەۋدى سۇراپ تالاپ ارىز بەردى، دەپ حابارلايدى infohub.kz سايتى.
بۇل تۋرالى رەسەيلىك ءىرى SHOT Telegram-ارناسى مالىمدەدى. ونىڭ دەرەگىنشە، بلوگەر ارىزىندا كامەلەتكە تولماعان بالالاردىڭ تۇرعىلىقتى جەرىن دە انىقتاۋدى سۇراعان — ول بالالاردىڭ وزىمەن بىرگە تۇرۋىن قالايدى.
ازىرگە وكسانا سامويلوۆا دا، ونىڭ بۇرىنعى جۇبايى دا ارىز جونىندە ەشقانداي تۇسىنىكتەمە بەرگەن جوق.
بۇعان دەيىن دجيگاننىڭ بۇرىنعى ايەلىنىڭ ادۆوكاتى رەپەردى اتا-انالىق قۇقىعىنان ايىرۋ مۇمكىندىگى تۋرالى سۇراققا جاۋاپ بەرگەن ەدى.
ەسكە سالايىق، 23 قىركۇيەكتە بۇقارالىق اقپارات قۇرالدارى دجيگان ادامداردى كەپىلگە الىپ، ءوز ۇيىندە وق جاۋدىرعان دەپ حابارلاعان. 3-4 شىلدەگە قاراعان ءتۇنى ول ءۇي قىزمەتكەرلەرىن شاقىرىپ الىپ، قارۋمەن ءتۇسىنىسۋ ۇيىمداستىرعان دەلىنگەن.
ول قىزمەتكەرلەردى قىلمىس جاسادى دەپ ايىپتاپ، ومىرلەرىن ساقتاپ قالۋ ءۇشىن مويىنداۋعا شاقىرعان جانە وق اتقان دەپ حابارلاندى.
كەيىن دجيگان ب ا ق پەن الەۋمەتتىك جەلىلەردەگى جاريالانىمدار شىندىققا سايكەس كەلمەيتىنىن مالىمدەدى. رەپەر قىزمەتكەرلەرگە وق اتقانىن جوققا شىعارادى. سونىمەن قاتار ءانشى ءقازىر وڭالتۋ ورتالىعىندا جاتقانىن راستادى.
كوپ ۇزاماي رەسەيدە پوليسيا رەپەر دجيگاننىڭ ۇيىندەگى اتىس جانە ادام كەپىلگە الۋ تۋرالى حابارلامالاردان كەيىن تەكسەرۋ باستادى.