بلوگەر وكسانا سامويلوۆا 2022 جىلى رەپەر دجيگان وعان تاپانشا باعىتتاپ، ۇيلەرىندە وق اتقان وقيعانىڭ ءمان-جايىن اشتى. ونىڭ ايتۋىنشا، بالالاردى شۇعىل تۇردە ەۆاكۋاسيالاۋعا تۋرا كەلگەن. بۇل تۋرالى ول كسەنيا سوبچاكقا بەرگەن سۇحباتىندا ايتتى، دەپ حابارلايدى infohub.kz سايتى.
سامويلوۆانىڭ مالىمدەۋىنشە، دجيگان وزگەرگەن كۇيدە بولىپ، ءۇي ىشىندە ءجۇرىپ وق اتقان. بالالاردى كوپ ۇزاماي عيماراتتان شىعارىپ اكەتكەن.
«بۇل 2022 جىل ەدى… 2020 جىلعىداي ەپيزود… ءدال سول سەبەپتەرمەن. وعان ءبىر ساتتە مەن ساتقىن سياقتى كورىندىم، الدەقانداي ارەكەت جاسادىم دەپ ويلادى. ول بۇكىل ءۇيدى ارالاپ ءجۇرىپ وق اتتى»، — دەپ كەلتىرەدى سامويلوۆانىڭ ءسوزىن باسىلىم.
وقيعادان كەيىن وتباسى اتىس سالدارىن جويۋعا — وق تيگەن تەسىكتەردى بىتەۋگە جانە قابىرعالاردى سىلاۋعا ءماجبۇر بولدى. سامويلوۆانىڭ ايتۋىنشا، ۇلكەن قىزى اريەلا نە بولعانىن ءتۇسىنىپ، اكەسىمەن سويلەسۋدى توقتاتقان. كىشى بالالارعا ۇيدە توناۋ بولدى دەپ ايتىلعان.
«ول جاي عانا ەسىنەن تانىپ قالدى… بۇل وتە قورقىنىشتى»، — دەپ مويىندادى سامويلوۆا.
سامويلوۆا وسىنداي ەپيزودتاردان كەيىن كۇيەۋىن اياپ، كەشىرگەنىن ءتۇسىندىردى. ونىڭ ايتۋىنشا، ول بولعان جاعدايدى اۋرۋدىڭ كورىنىسى رەتىندە قابىلداپ، دجيگاننىڭ مۇنداي ارەكەتتەردى وزگەرگەن كۇيدە جاساعانىن تۇسىنگەن.
الايدا ءقازىر، ول مويىنداعانداي، جاعدايدىڭ وزگەرەتىنىنە ءۇمىتى قالماعان. سامويلوۆا جاعدايدى ەندى باسقاشا باعالايتىنىن جانە بالالاردىڭ دجيگانمەن بىرگە بولۋىن ءقاۋىپتى دەپ سانايتىنىن ايتتى.
«مەن قورقامىن. ءقازىر بالالاردى ونىمەن قالدىرۋ اسا ءقاۋىپتى ەكەنىن تۇسىنەمىن جانە سوتقا بارىپ، جەكە قامقورلىق سۇراۋعا تۋرا كەلەدى»، — دەدى سامويلوۆا.
سونىمەن قاتار دجيگان ءالى دە بالالارمەن ارالاسا الادى. جۇبايلاردىڭ بالالارعا ورتاق قامقورلىعى ساقتالۋدا. ءقازىر رەپەر تاۋەلدىلىكتەن ەمدەلۋدە.
بۇعان دەيىن «كۋرسيۆ» رەپەر دجيگان اق قىزبامەن اۋىرىپ، ءوز كۇزەتشىلەرىنە قارۋمەن ءوز بەتىنشە جازا قولدانعانىن جازعان. ول كەزدە بالالار شكافتارعا تىعىلىپ، ءبارىن كورگەن.