قازاقستاندىق اتا-انانىڭ ەكىنشى سىنىپتا وقيتىن قىزىمەن ءۇي تاپسىرماسىن ورىنداعان سوڭ سىنعا ۇشىراعان «اكەممەن ۇرىس» اڭگىمەسى جاڭارتىلعان مىندەتتى مەكتەپ ادەبيەتى تىزىمىنە ەنبەدى. بۇل تۋرالى infohub.kz سايتى حابارلايدى.
وقۋ-اعارتۋ مينيسترلىگىنىڭ ءبىلىم مازمۇنىن ساراپتاۋ رەسپۋبليكالىق عىلىمي-پراكتيكالىق ورتالىعى تۇسىندىرگەندەي، ءسوز داريا جۇماگەلدينوۆانىڭ «ەركەعالي — تەنتەك بالا» كىتابىنداعى شىعارماسى تۋرالى بولىپ وتىر. بۇل ءماتىن ادەبيەتتىك وقۋ وقۋلىعىنا 2017 جىلى ەنگىزىلگەن. ورتالىق وقۋ قۇرالىنىڭ الدىن الا ساراپتامادان، سىناقتان جانە قوعامدىق تالقىلاۋدان وتكەنىن اتاپ ءوتتى.
ورتالىق دەرەكتەرىنە سايكەس، 2017–2021 جىلدارى اتا-انالاردان بۇل اڭگىمەگە قاتىستى شاعىم تۇسپەگەن. 2022 جىلى ەكىنشى سىنىپقا ارنالعان وقۋلىقتار قايتا باسىلىپ، ءماتىن سولاردىڭ بىرىندە ساقتالعان.
وقۋ-اعارتۋ مينيسترلىگى اڭگىمە بالالارعا وتباسىنداعى قارىم-قاتىناستى جانە كەيىپكەرلەردىڭ ىس-ارەكەتىنىڭ سالدارىن تالقىلاۋعا كومەكتەسۋى ءتيىس بولعانىن ءتۇسىندىردى.
«اكەممەن ۇرىس» اڭگىمەسى وقۋشىلاردا ءوز ىس-ارەكەتتەرى ءۇشىن جاۋاپكەرشىلىك، بالالار مەن ەرەسەكتەر اراسىنداعى قارىم-قاتىناس، اتا-انانى قۇرمەتتەۋ جانە وتباسىلىق قۇندىلىقتار تۋرالى تۇسىنىك قالىپتاستىرۋ ءۇشىن وقۋلىققا ەنگىزىلگەن. ۇلگىلىك وقۋ باعدارلاماسىنىڭ وقۋ ماقساتتارىنا سايكەس اڭگىمەنىڭ مازمۇنى باس كەيىپكەردىڭ ىس-ارەكەتتەرى مەن ولاردىڭ سالدارىن تالقىلاۋدى كوزدەيدى»، — دەلىنگەن ورتالىق حابارلاماسىندا.
قازىرگى تاڭدا وقۋ-اعارتۋ مينيسترلىگى مەن ى. التىنسارين اتىنداعى ۇلتتىق ءبىلىم اكادەمياسى مەكتەپ باعدارلامالارىن قايتا قاراستىرىپ جاتىر. «اكەممەن ۇرىس» اڭگىمەسى جاڭا مىندەتتى تىزىمدە جوق.
«مىندەتتى تۇردە وقۋعا ارنالعان شىعارمالاردىڭ جاڭارتىلعان تىزىمىنە د.ت. جۇماگەلدينوۆانىڭ اتالعان اڭگىمەسى ەنگىزىلمەگەن. جەتىلدىرىلگەن ۇلگىلىك وقۋ باعدارلامالارى ساراپتاما، سىناق كەزەڭدەرىنەن ءوتىپ، بەكىتۋ ساتىسىندا تۇر»، — دەلىنگەن جاۋاپتا.
باعدارلامالار بەكىتىلگەننەن كەيىن جاڭا وقۋلىقتاردى ازىرلەۋ باستالادى.
بۇعان دەيىن «كۋرسيۆ» قازاقستاندىق اليبەك ارىستانوۆ ەكىنشى سىنىپتا وقيتىن قىزىمەن ساباق ورىنداعان كەزدە وسى اڭگىمەگە نازار اۋدارعانىن جازعان. ونى اسىرەسە بالانىڭ اكەسىمەن ۇرىسقان سوڭ ەدەندە ۇيىقتاپ، سودان كەيىن اپكەسى شەشىندىرىپ جاتقاندا وياناتىن ەپيزودى قاتتى اشۋلاندىرعان. «ارمان-پۆ» باسپاسى بۇل وقۋلىق ءقازىر قايتا باسىلمايتىنىن مالىمدەدى.