كوكشەتاۋلىق «وكجەتپەس» فۋتبول كلۋبى قازاقستان پرەمەر-ليگاسىنىڭ 18-تۋرى اياسىندا تالدىقورعاننىڭ «جەتىسۋ» كومانداسىن 2:0 ەسەبىمەن جەڭدى، دەپ حابارلايدى infohub.kz.
كەزدەسۋ كوكشەتاۋداعى «وكجەتپەس» ستاديونىندا ءوتىپ، الاڭ يەلەرىنىڭ جەڭىسىمەن اياقتالدى. ەسەپ ءبىرىنشى تايمنىڭ 22-مينۋتىندا اشىلدى: بەلارۋستىك جارتىلاي قورعاۋشى دميتري بورودين پەنالتيدى ءدال ورىندادى. ەكىنشى تايمنىڭ قوسىمشا ۋاقىتىندا الاڭعا شىققان قازاقستاندىق شابۋىلشى توقتار جانعىلىشباي «وكجەتپەستىڭ» باسىمدىعىن ەسەلەدى. بۇل گول قوناقتاردىڭ سانى از بولعان كەزدە سوعىلدى: 75-مينۋتتا سەربيالىق جارتىلاي قورعاۋشى ماركو جيۆانوۆيچ ەكىنشى سارى قاعازدى الىپ، الاڭنان قۋىلدى.
بۇل جەڭىس كوكشەتاۋلىقتارعا 30 ۇپاي جيناپ، قپل تۋرنير كەستەسىندە ءۇشىنشى ورىنعا كوتەرىلۋگە مۇمكىندىك بەردى. «جەتىسۋ» 18 ۇپايمەن 11-ورىندا قالىپ وتىر.