«باۆاريا» ۆينگەرى مايكل وليسە بيىل جازدا ءمادريدتىڭ «رەالىنا» اۋىسۋدى جوسپارلامايدى، دەپ حابارلايدى infohub.kz.
بۇل تۋرالى Sky Sport Germany ءجۋرناليسى ءارى ينسايدەر فلوريان پلەتتەنبەرگ ءوزىنىڭ ح پاراقشاسىندا جازدى. ونىڭ مالىمەتىنشە، فرانسۋزدىڭ «رەالعا» اۋىسقىسى كەلەتىنى تۋرالى حابارلار شىندىققا جاناسپايدى. كەرىسىنشە، «باۆاريا» وليسەنىڭ ميۋنحەندە قالعىسى كەلەتىنىنە سەنىمدى. سونداي-اق نەمىس كلۋبى اعىمداعى اۋىسۋ تەرەزەسىندە ويىنشىنى ساتۋدى قاراستىرمايدى.
بۇعان دەيىن ەۋروپالىق باق-تا باسقا اقپارات تارادى. Goal باسىلىمى Foot Mercato-عا سىلتەمە جاساپ، وليسەنىڭ «رەالعا» اۋىسۋ ماقساتىندا «باۆاريادان» كەتكىسى كەلەتىنىن، ال مادريدتىك كلۋب تاراپىنان وعان قاتتى قىزىعۋشىلىق تانىتىلعانىن مالىمدەدى. ال Managing Madrid L’Équipe-كە سۇيەنىپ، فۋتبولشىنىڭ فرانسيا قۇراماسىنداعى ارىپتەستەرى مەن جاقىن ورتاسىنا يسپان كلۋبىنا اۋىسۋ نيەتى جايلى ايتقانىن حابارلادى.
الايدا پلەتتەنبەرگ جاعدايدىڭ باسقاشا ەكەنىن ايتادى. ونىڭ دەرەگىنشە، «باۆاريا» وليسەنىڭ كەلىسىمشارتىن ۇزارتۋدى پىسىقتاپ جاتىر؛ قازىرگى كەلىسىم 2029 جىلعا دەيىن جارامدى. ميۋنحەن كلۋبى شابۋىلداعى باستى ويىنشىلارىنىڭ ءبىرىن ساقتاپ قالعىسى كەلەدى جانە ونى ساتۋ جونىندە كەلىسسوزدەرگە كىرىسپەيدى.
سونداي-اق، «رەالدىڭ» وليسە ءۇشىن «باۆارياعا» رەسمي ۇسىنىس جاساماعانى حابارلاندى. پلەتتەنبەرگتىڭ ايتۋىنشا، ميۋنحەن كلۋبى مادريدتىكتەردىڭ ءقازىر فرانسۋز ويىنشىسىن قاتارىنا قوسۋدى ويلاستىرمايتىنىنا كەپىلدىك العان.
وليسە 2024 جىلى جازدا «كريستال پەلاستان» «باۆارياعا» اۋىسىپ، كوپ ۇزاماي كوماندانىڭ ماڭىزدى مۇشەسىنە اينالدى. وعان دەگەن قىزىعۋشىلىق وتكەن ماۋسىمداعى تابىستى ونەرىنەن كەيىن ارتتى: ول 52 كەزدەسۋدە 53 ناتيجەلى ارەكەت جاساپ، فرانسيا قۇراماسىندا 2026 جىلعى الەم چەمپيوناتىندا ونەر كورسەتتى.