سەۋلدە سوت 20 جاستاعى كيم سو ەنگە قاتىستى ۇكىم شىعاردى. ول باق-تا «ەڭ سۇلۋ كىسى ءولتىرۋشى» دەگەن اتپەن تانىمال. قىز ەر ادامداردى ۋلاندىرعانى ءۇشىن كىنالى دەپ تانىلىپ، ءومىر بويىنا باس بوستاندىعىنان ايىرىلدى، دەپ حابارلايدى infohub.kz.
سوت وتىرىسى بارىسىندا كيم سو ەن قۇربانداردى تەك ۇيىقتاتقىسى كەلگەنىن جانە ولاردىڭ ءولۋى مۇمكىن ەكەنىن بىلمەگەنىن ايتتى. ونىڭ سوزىنشە، ول جىنىستىق زورلىقتان قورعانۋ ءۇشىن وسىلاي جاساعان. الايدا سوت قىلمىس جاساۋ كەزىندە كيمنىڭ پرەپاراتتاردىڭ اسەرىنەن قۇربانداردىڭ ءولۋى مۇمكىن ەكەنىن تۇسىنگەنىن انىقتاپ، ونىڭ كىسى ءولتىرۋ نيەتى بولعانىن ايتتى.
KakaoTalk-تاعى حات الماسۋلار مەن ءىستىڭ باسقا ماتەريالدارىن زەرتتەي كەلە، سۋديا جىنىستىق زورلىق تۋرالى ەشقانداي دالەل تاپپادى. التى قۇرباننىڭ بىرەۋىنە قاتىستى اۋىر شابۋىل جاسادى دەگەن ايىپتاۋ بويىنشا سوت ونى كىناسىز دەپ تانىدى.
ءبىرىنشى ساتىداعى سوت ۇكىمى ازىرگە تۇپكىلىكتى ەمەس جانە وعان شاعىمدانۋعا بولادى.