ءونىمىڭىزدى ساتىپ الۋعا يتەرمەلەيتىن 8 ۋاجدەمە
1. ءبىرىنشى قاجەتتىلىك – «ىڭعايلىلىق». كەز كەلگەن تاۋار نەمەسە كەز كەلگەن قىزمەتتى ىڭعايلىلىق ءۇشىن ساتىپ الۋعا بولادى. بۇل تاۋار/قىزمەتتەن بۇرىن، ساتىپ الۋشى/كليەنتكە بايلانىستى. ەگەر تاۋار/قىزمەت ىڭعايلىلىقتىڭ دەڭگەيىن كوتەرۋگە باعىتتالماعان بولسا دا، تانىستىرۋ ءراسىمىن جاساعان كەزدە وسىعان نازار اۋدارتىپ، كليەنتكە ەموسيونالدى تۇرعىدا ساتىپ العىسى كەلەتىندەي اسەر ەتۋگە بولادى، وسىلايشا تانىستىرۋ ءراسىمىنىڭ ماقساتىن ورىندايسىز. كورنەكى مىسال – اياق-كيىم. ىڭعايلىلىققا اسا ءمان بەرەتىن اياق-كيىم برەندتتەرى بار.
2. ساتىپ الۋعا يتەرمەلەيتىن ەكىنشى ۋاجدەۋشى – سەنىمدىلىك، قاۋىپسىزدىك. قورعانىش دابىلداماسى، مەتالل ەسىكتەر، ءوزىن-وزى قورعاۋ قۇرالدارى نەمەسە سەيفتەردى ادامدار ءوزىن جانە ءوز دۇنيە-مۇلكىن قورعاۋ ءۇشىن ساتىپ الادى. ماسەلەنى اشىپ باستاڭىز، ونى بىرتىندەپ كۇردەلەندىرە ءتۇسىڭىز، ال كەيىن ءسىزدىڭ تاۋارىڭىزدىڭ وسى ماسەلەنى شەشىپ بەرە الاتىن ارتىقشىلىقتارىن ايتىڭىز.
3. ءۇشىنشى ۋاجدەۋشى – بۇل بەدەل. قىمبات ساعاتتار مەن قالامدار، قىمبات كيىمدەر، پورتفەلدەر، تانىمال برەندتەردىڭ كوزىلدىرىكتەرى، قىمبات كولىكتەر بەدەلدى بولعانى ءۇشىن ساتىپ الىنادى. قىمبات قالامنىڭ اسا قاجەتتىلىگى جوق، قاراپايىم 50 تەڭگەلىك شارلى قالاممەن جازۋعا دا بولادى عوي.
4. ساتىپ الۋعا يتەرمەلەۋشى ءتورتىنشى ۋاجدەۋشى – بۇل اڭگىمەلەسۋ. كوپتەگەن زاتتاردى ادامدار اڭگىمەلەسكىسى كەلگەن ءۇشىن الادى: جۇمىسقا تورت اپارۋ، ىشىمدىكتەر، گۇلدەر، كونفەتتەر جانە ت.ب. سوندىقتان ەگەر ءسىزدىڭ تاۋارىڭىز نەمەسە قىزمەتىڭىز اڭگىمەلەسۋدى جەڭىلدەتەتىن بولسا، كليەنتتەر قۋانا ساتىپ الادى.
5. كەلەسى ۋاجدەۋشى – بۇل بىلۋگە قۇمارلىق. جاڭا زاتقا دەگەن قۇمارلىقتان نەمەسە بىلگىسى كەلگەننەن ادامدار نەنى عانا ساتىپ المايدى دەسەڭىزشى. كليەنتتەرىمىزدىڭ ءبىرى ونىمەن كىتاپ دۇكەنىندە بولعان وقيعانى ايتىپ بەرگەن ەدى. وندا ول «ەركەكتەر جىنىستىق قاتىناستان باسقا نەنى ويلايدى» دەگەن تاقىرىبى قىزىق كىتاپتى كورىپ قالادى. كىتاپ ءبىرشاما جۇقا بولعان، شامامەن 200-300 بەت؛ پوليەتيلەن وراۋىشتا بولعاندىقتان پاراقتاپ شىعۋ دا مۇمكىن بولماعان. باعاسى 300 تەڭگە توڭىرەگىندەگى كىتاپ جاقسى ءوتىپ جاتقان، ويتكەنى اتىمەن قىزىقتىرىپ تۇردى.
كليەنتىمىز ۇيىنە كەلىپ كىتاپتى اشسا، بارلىق بەتى بوس بولىپ شىققان. وسىنداي ماركەتينگتىك جولمەن باسپا قويىن داپتەردى ءبىرشاما قىمبات باعادا ساتقان.
6. ساتىپ الۋعا يتەرمەلەيتىن تاعى ءبىر ۋاجدەمە – بۇل پايدا. پايدالى دەگەنىمىز – بۇل ارزان دەگەن ەمەس. پايدالى – بۇل باسقا تاۋارلارعا قاراعاندا وسى تاۋار پايدالىراق بولاتىنىنا كليەنتتى يلاندىرۋ؛ بالكىم، ءبىرشاما قىمبات بولسا دا، ءبىراق ۇنەمدى نەمەسە ءونىمدى. كليەنتكە تاۋارىڭىزدىڭ بارلىق ارتىقشىلىقتارى مەن پايداسىن دالەلدەۋ جانە تۇسىندىرە ءبىلۋ – ناعىز ونەر.
7. جەتىنشى تۇرتكى – مارتەبە. مۇنداي ساعاتتى تانىمال ساياساتكەر نەمەسە كاسىپكەر تاعادى، مۇنداي كولىكتى تانىمال شوۋمەن ايدايدى، بۇل پاتەردە اقىن تۇرعان دەگەن دايەكتەر كەيبىر ادامداردى ساتىپ الۋعا يتەرمەلەيدى. بىرنەشە جىل بۇرىن اقش-تا نارىقتىق باعاسى بەس-التى ميلليون دوللار تۇراتىن ءۇي سەگىز ميلليون دوللارعا ساتىلدى، سەبەبى – مۇندا ءبىر كەزدەرى باراك وباما تۇرعان. بۇرىڭعى ءۇي قوجايىنىنىڭ مارتەبەسىنىڭ ارقاسىندا پاتەر نارىقتىق باعاسىنان قىمباتىراق ساتىلدى.
8. ساتىپ الۋعا يتەرمەلەيتىن سوڭعى ۋاجدەمە – دەنساۋلىق. ادامدار وزدەرىن جاقسى سەزىنۋ ءۇشىن جانە دەندەرى ساۋ بولۋ ءۇشىن ايتارلىقتاي سومانى جۇمساۋعا دايىن. ەگەر ءسىزدىڭ تاۋارىڭىز/قىزمەتىڭىز دەنساۋلىقتى ساقتاۋعا، قورعاۋعا نەمەسە ونى قايتا قالپىنا كەلتىرۋگە تىكەلەي قاتىستى بولسا، وندا بۇل ادامداردى ساتىپ الۋىنا ۇلكەن سەبەپ بولا الادى.
You Might Also Like
-
بەرليننىڭ سوعىستان كەيىنگى، ياعني 1945 جىلى تۇسىرىلگەن سۋرەتتەرى جانە 70 جىلدان كەيىن فابريسيو برەنچ تۇسىرگەن 2015 جىلعى سۋرەتتەرى:
-
ءسىز ءجيى ءتۇس كورەسىز بە؟ ولاردىڭ كوبى ەسىڭىزدە قالا ما؟ ستاتيستيكا بويىنشا، تۇستەردىڭ 20 پايىزى عانا ادامنىڭ ەسىندە قالادى. الايدا تۇستەردى ەستە ساقتاۋ قابىلەتىن دامىتۋعا دا بولادى ەكەن.
