زەينەتكەر جاستاعى قازاقستاندىقتار نەسيەنى قاشىقتان راسىمدەي المايدى. جاڭا ەرەجەلەر 21 جاسقا تولماعان ازاماتتارعا دا قاتىستى، دەپ حابارلايدى infohub.kz سايتى.
ۇلتتىق بانك ءتوراعاسى تيمۋر سۇلەيمەنوۆتىڭ ايتۋىنشا، ەندى نەسيە الۋ ءۇشىن ەگدە جاستاعى قارىز الۋشىلار بانك بولىمشەسىنە جەكە بارىپ، قۇجات تاپسىرۋى كەرەك. بۇل شارا تەلەفون جانە ينتەرنەت الاياقتارىنا قارسى كۇرەسۋگە باعىتتالعان. ولار ادامدارعا قىسىم كورسەتىپ، نەسيە راسىمدەتۋگە ماجبۇرلەيدى.
بانك قىزمەتكەرلەرى جاعدايدى مۇقيات باعالاۋعا مىندەتتى. ەگەر ادام ءۇشىنشى تۇلعالاردىڭ نۇسقاۋىمەن ارەكەت ەتىپ جاتسا، پسيحولوگيالىق قىسىمدا بولسا نەمەسە نەسيەنىڭ ماقساتىن تۇسىندىرە الماسا، قارجى ۇيىمى نەسيە بەرۋدەن باس تارتۋى ءتيىس.
"بانك نەسيە بەرمەۋگە مىندەتتى، بۇل 'بەرە الادى' نەمەسە 'بەرە المايدى' دەگەن ماسەلە ەمەس"، — دەپ اتاپ ءوتتى تيمۋر سۇلەيمەنوۆ.