InfoHub Logo

جاساندى ينتەللەكت سالاسىنداعى كوشباسشى OpenAI Googleء-دىڭ ەكى نەگىزگى باعىتى – ىزدەۋ جۇيەلەرى مەن براۋزەرلەردەگى ۇستەمدىگىن شايقالتاتىن باتىل قادام جاساۋدا، دەپ حابارلايدى Business Insider.

كومپانيا ChatGPTء-تى، ياعني وزدەرىنىڭ باستى ءونىمىن، بىرىكتىرەتىن براۋزەر جاساۋ مۇمكىندىگىن قاراستىرۋدا. سونىمەن قاتار، OpenAI NLWeb (Natural Language Web) دەپ اتالاتىن قۇرالدى ازىرلەۋدە، ول پايدالانۋشىلارعا ۆەب-سايتتارمەن تابيعي تىلدە قارىم-قاتىناس جاساۋعا مۇمكىندىك بەرەدى، ChatGPT-پەن سويلەسكەندەي.

بۇل قادام Googleء-دىڭ ۇزاق جىلدىق ۇستەمدىگىن قاۋىپكە تىرەدى. قازىرگى تاڭدا Google Chrome الەمدىك براۋزەر نارىعىنىڭ شامامەن 65%-ىن، ال Google Search ىزدەۋ جۇيەسى نارىقتىڭ 82%-ىن يەلەنىپ وتىر. قارجىلىق تۇرعىدا، تەك 2024 جىلدىڭ ءۇشىنشى توقسانىندا ىزدەۋ قىزمەتتەرىنەن تۇسكەن جارناما تابىسى 49،4 ميلليارد دوللاردى قۇراپ، كومپانيانىڭ جالپى تابىسىنىڭ جارتىسىنان استامىن قامتاماسىز ەتتى.

الايدا OpenAI شەگىنەر ەمەس. سوڭعى ايلاردا كومپانيا Chrome براۋزەرىن جاساۋشىلاردىڭ ءبىرى بەن گۋدجەردى قوسا العاندا، نەگىزگى ازىرلەۋشىلەردى جۇمىسقا قابىلدادى. بۇل باسەكەگە قابىلەتتى ءونىم جاساۋداعى ەلەۋلى نيەتتى بىلدىرەدى.

سونىمەن بىرگە Google دە بەلسەندى ارەكەت ەتۋدە. كومپانيا جاساندى ينتەللەكتتى پايدالانا وتىرىپ، ءموبيلدى پايدالانۋشىلارعا ىڭعايلى جاڭا ديزاينمەن ىزدەۋ جۇيەسىن قايتا ىسكە قوستى. جاڭارتىلعان Google Search ناتيجەلەردى ساناتتارعا ءبولىپ، ينتەراكتيۆتى ەلەمەنتتەرگە، مىسالى، ۆيدەولار مەن فورۋم سىلتەمەلەرىنە باسا نازار اۋدارادى.

بۇدان بولەك، Google-گە قۇقىقتىق قىسىم دا كۇشەيۋدە. اقش ادىلەت مينيسترلىگى Chrome براۋزەرىن ساتۋدى تالاپ ەتىپ، كومپانيانى مونوپوليالىق جاعدايدى تەرىس پايدالانۋدا دەپ ايىپتادى. Google بۇل شەشىمگە شاعىم تۇسىرمەكشى، ونى "راديكالدى" دەپ اتاۋدا.

وسىنداي وزگەرىستەر اياسىندا OpenAI ءوز جوبالارىن جىلدام جۇزەگە اسىرىپ، پايدالانۋشىلاردىڭ ونىمدەرىنە قىزىعۋشىلىعىن ارتتىرۋ ارقىلى ينتەرنەتتەگى اقپارات ىزدەۋ ءتاسىلىن توڭكەرۋدى كوزدەپ وتىر. كومپانيانىڭ Google-گە باسەكەلەس بولا الۋى جوبالاردىڭ ىسكە اسۋ جىلدامدىعى مەن قولدانۋشىلاردىڭ ونىمدەردى قالاي قابىلدايتىنىنا بايلانىستى.