وقىتۋ مەن وقۋ تاجىريبەسىنە وزگەرىس ەنگىزۋ

ءححى عاسىر «بىلەتىن ادامنان» «شىعارماشىلىقپەن ويلايتىن، ارەكەت ەتەتىن، ءوزىن - ءوزى دامىتاتىن ادامعا» اۋىستىرۋدى تالاپ ەتەدى. بۇگىنگى زامان تالابىنا ساي ءداستۇرلى وقۋدىڭ دەڭگەيىندە عانا شەكتەلمەي، ءبىلىم سالاسىنا ەنىپ جاتقان وزگەرىستەر كوڭىلىمە قونىمدى. مىنە، ءححى عاسىردا ءومىر سۇرۋگە قابىلەتتى تۇلعا قالىپتاستىرۋ ءۇشىن، ءبىلىم سالاسىنىڭ ءوزى وزگەرۋدى تالاپ ەتەدى، ياعني وقىتۋ مەن وقۋعا وزگەرىس ەنگىزىپ، وقۋداعى قيىندىقتاردى ەڭ الدىمەن انىقتاپ، سول كەدەرگىلەردى ۇجىممەن بىرلەسە جويۋ كەرەك. قازىرگى تاڭدا بالاعا نەنى ۇيرەتۋ كەرەك؟ قالاي ۇيرەتۋ كەرەك؟- دەگەن ەكى سۇراق مەنى وسى وقۋعا جەتەلەدى. بۇل تۇرعىسىنان قاراعاندا مەن وزگەرۋ كەرەكپىن. سەبەبى قارقىندى دامىپ كەلە جاتقان ورتادا ءومىر سۇرۋگە قابىلەتتى، قارىم - قاتىناسقا اشىق، ءارى ىقىلاستى، وزىنە سەنىمدى قوعام تالابىنا ساي ءوزىن كورسەتە بىلۋگە بەيىم تۇلعانى قالىپتاستىرۋ ءۇشىن وزگەرۋ كەرەكپىن. نەلىكتەن وزگەرۋ قاجەت؟ وقۋشىلارعا ءبىلىمدى تولىق ءارى شىنايى بەرۋ ءۇشىن، قيادان جول، قيىننان ءسوز تاباتىن وقۋشى دايىنداۋ ءۇشىن، ۇنەمى كوشباسشىلىققا تالپىناتىن، ومىرلىك جاعدايدا وقۋشى بويىندا بەلگىلى داعدى قالىپتاستىرۋ ءۇشىن وزگەرۋ كەرەكپىن. سونىمەن قاتار، بىلىكتىلىك كۋرسىنا كەلۋ ارقىلى ءبىر بايقاعانىم بالانى ەشقاشان تەكسەرمەۋ جانە شەكتەمەي، سونىمەن بىرگە ىزدەنۋ كەرەك ەكەنىن ۇققاندايمىن. تاعى ءبىر بايقاعانىم، ءبىز وقىتۋ مەن وقۋداعى كەدەرگىلەردى انىقتاپ جاتپاي، تەك قانا جوسپاردى قاتاڭ ورىنداۋعا تىرىسادى ەكەنبىز. جوسپار ءوزىمىز ءۇشىن عانا ماڭىزدى بولىپ تابىلادى، ال وقۋشى نەنى وقۋ كەرەك، قالاي وقۋ كەرەك، ونداعى قۇزىرەتتىلىك، مىنە وقىتۋ بارىسىندا وسىعان باسا نازار اۋدارۋ كەرەك ەكەنمىن. وقۋشىنىڭ مەتاتانىمىنا، تانۋ تۇجىرىمداماسىنا جانە وقۋىنا قانداي فاكتور اسەر ەتەتىنىن ءبىلىپ، سوعان ساي ءىس ارەكەت ۇيلەسىمدى بولعاندا عانا ساباق كوزدەلگەن ماقساتىنا جەتەتىنىنە تولىق كوزىم جەتتى. مەن مىناعان كامىل سەنىمدىمىن. وقۋشىلاردى بار ىقىلاسپەن، ۇلكەن ۇمىتپەن، نىق سەنىممەن قول ۇزبەي ۇيرەتسەم كۇتىلەتىن ناتيجەم دە وڭ بولماق. مىنە، وقۋ ۇدەرىسىندەگى جاڭا ادىستەردى پايدالانۋ ارقىلى تىزبەكتەلگەن ساباقتار توپتاماسىنا جەتى ءمودۋلدى ىقپالداستىرا كىرىكتىردىم. تىزبەكتەلگەن ساباقتار توپتاماسىندا جەتى ءمودۋلدى كىرىكتىرە وتىرىپ، ءتۇرلى ادىستەر ارقىلى ساباق ءوتۋ بالالاردىڭ جان - جاقتى دامۋىنا ىقپال ەتەتىنىن ءتۇسىندىم.
وقىتۋ مەن وقۋ تاجىريبەسىنە وزگەرىس ەنگىزۋ. جۇكتەۋ